Муассисаҳои илмии Русия ва Тоҷикистон созишномаи ҳамкорӣ имзо карданд

© Pixabay / epiciociПодпись документа, архивное фото
Подпись документа, архивное фото - Sputnik Тоҷикистон, 1920, 26.11.2021
Обуна шудан
Олимони Русия ва Тоҷикистон ҳамроҳ таҳқиқоти илмӣ мегузаронанд
ДУШАНБЕ, 26 ноя — Sputnik. Миёни Донишкадаи иқтисод ва савдои ДДТТ дар шаҳри Хуҷанд ва Институти тадқиқотҳои демографии Маркази илмӣ-тадқиқотии иҷтимоии федералии Академияи илмҳои Русия созишномаи ҳамкорӣ имзо шуд.
Бино ба гузориши хадаомти матбуотии раиси вилояти Суғд, ин созишнома иҷрои корҳои илмӣ-тадқиқотӣ, гузаронидани онлайн-лексияҳо ва тайёр кардани мутахассисони илмиро дар назар дорад.
Созишномаи ҳамкорӣ дар рафти мизи мудаввари байналмилалии илмӣ дар мавзӯи “Муаммоҳои иҷтимоӣ - демографии давлатҳои ИДМ дар марҳилаи COVID-19” бо ширкати меҳмонони ватаниву хориҷӣ баргузор гардид.
Лицей №3 в городе Душанбе - Sputnik Тоҷикистон, 1920, 19.05.2021
Замони бунёди мактабҳои русӣ дар Тоҷикистон маълум шуд
Дар рафти ҷаласа директори Донишкадаи иқтисод, номзади илмҳои иқтисодӣ Ҳошимзода Ҳомид бо сухани ифтитоҳӣ баромад намуда, меҳмононро хайрамақдам гуфт.
Олимони рус ва тоҷик дар мавзуъҳои гуногун, аз ҷумла “Рушди демографии давлатҳои ИДМ: 30 соли пошхӯрии ИҶШС”, "Муҳоҷирати иқлимӣ ҳамчуни тренди муосир" ва "Муҳоҷирати таълимӣ дар шароити ҷаҳонишавӣ" маъруза карданд.
Дар фазои тантанавӣ аз тарафи директори Донишкадаи иқтисод ва савдои ДДТТ Ҳошимзода Ҳомид ба директори Институти тадқиқотҳои демографии Маркази илмӣ-тадқиқотии иҷтимоии федералии АИ Русия Рязансев Сергей Василевич дипломи профессори фахрии донишкада супорида шуд.
Школьная ярмарка в Душанбе - Sputnik Тоҷикистон, 1920, 17.11.2021
"Ман хондам, ту ҳам бихон"! Мактаббачаҳои рус ба ҳамтоёни тоҷикашон китоб фиристоданд
Мизи мудаввар бо ширкати меҳмонони ватаниву хориҷӣ дар фазои дӯстона бо муҳокимаҳои илмӣ ва баррасии як қатор пешниҳодҳои судманд ба анҷом расид.
Лентаи хабарҳо
0