Финали Ҷоми Тоҷикистон: "Истиқлол" дар меҳмонӣ бо "Хуҷанд" зӯрозмоӣ мекунад

© ФФТФК "Истиклол"
ФК Истиклол - Sputnik Тоҷикистон, 1920, 29.11.2021
Тими "Истиқлол" дар даври ниҳоии Ҷоми Тоҷикистон дар риштаи футбол бо дастаи "Хуҷанд" сабқат хоҳад кард
ДУШАНБЕ, 29 ноя — Sputnik. Финали Ҷоми Тоҷикистон дар риштаи футбол - 2021 рӯзи 9-уми декабр дар Варзишгоҳи "20-солагии Истиқлол" - и шаҳри Хуҷанд баргузор мешавад.
Ин зӯрозмоӣ миёни қаҳрамони Тоҷикистон - тими "Истиқлол"-и Душанбе ва барандаи медалҳои нуқраи Чемпионати кишвар - дастаи "Хуҷанд"-и Хуҷанд дар назар аст, хабар дод Кумитаи миллии олимпӣ.
Манбаъ зикр намуд, ки дар бозии ҷавобии даври нимфинали Ҷоми Тоҷикистон - 2021 дастаи "Истиқлол" бар "Эсхата" бо ҳисоби 3:0 пирӯз гардид ва натиҷаи ҳар ду бозияшон бо ҳисоби 7:3 ба фоидаи тими Душанбе анҷом ёфт. Таъкид гардид, ки голҳоро Манучеҳр Ҷалилов, Рустам Соиров ва Рёта Нома ба ҳадаф расонданд.
Матч между сборными Таджикистана и Монголии по футболу - Sputnik Тоҷикистон, 1920, 29.11.2021
Ду футболбози тоҷик ба "Персеполис" гузаштанд, аммо ҳоло дар он ҷо бозӣ карда наметавонанд
Зикр гардид, ки дар бозии дигари нимфинал "Равшан"-и Кӯлоб дар майдони худ бар тими "Хуҷанд" бо ҳисоби 2:0 пирӯз шуд, вале иштирокаш дар Ҷоми Тоҷикистонро ба анҷом расонд. Кумитаи миллӣ далели роҳёбии дастаи "Хуҷанд" ба финалро пирӯзии калонаш дар боозии аввал хонд, ки бо ҳисоби 4:0 пирӯз гардида буд.
Манбаъ зикр намуд, ки дар финалҳои Ҷоми Тоҷикистон тимҳои "Истиқлол" ва "Хуҷанд" ду бор майдондорӣ кардаанд, ки якеаш соли 2010 бо пирӯзии тими Душанбе бо ҳисоби 5:0 ва дигаре соли 2017 бо пирӯзии дастаи тими Хуҷанд бо ҳисоби 2:0 анҷом ёфт.

Кумитаи миллии олимпӣ хотиррасон намуд, ки дастаи "Истиқлол" дар таърихи мавҷудияташ 8 маротиба - 2009, 2010, 2013, 2014, 2015, 2016, 2018, 2019 ва "Хуҷанд" чор маротиба -1997/1998, 2002, 2008 ва 2017 дар Ҷоми Тоҷикистон ғолиб гардид.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала