Ҷабборов хост, падарашро дашном надиҳанд: Ӯ ба ман намозу Қуръон ёд дод

Ситуация в Бишкеке - Sputnik Тоҷикистон, 1920, 30.11.2021
Содир Ҷабборов тавассути шабакаҳои иҷтимоӣ ба шаҳрвандоне муроҷиат кардааст, ки мегӯянд, мақомот натоиҷи интихоботи парлумониро тақаллуб кардаанд
ДУШАНБЕ, 30 ноя — Sputnik. Президенти Қирғизистон Содир Ҷабборов ба бархе аз шаҳрвандони Қирғизистон, ки ӯро таҳқир мекунанд, посух дод, хабар медиҳад Sputnik Қирғизистон.
Ҷабборов тавассути шабакаҳои иҷтимоӣ ба "баъзе аз ҳамватанони маъруф" муроҷиат кардааст.
Ин матлаби ӯ дар посух ба шаҳрвандоне нашр шудааст, ки мегӯянд, мақомот натоиҷи интихоботи парлумонӣ тақаллуб кардаанд.
“Ба бархе аз ҳамватанони саршиноси мо, ки мегӯянд, ба Худо бовар доранд ва ба арзишҳои маънавӣ пайравӣ мекунанд, аммо дар баробари ин маро ва падари марҳумамро бо суханони қабеҳ таҳқир мекунанд, гуфтаниам: ман ҳам ба Худо бовар дорам. Бале, падарам тамоми умр бо роҳи ҳақ рафтааст. Ба ман адолатпарварӣ, роҳи рост, намозхонӣ омӯхт ва аз синфи 8-ум хондани Қуръонро ёд дод. Аллоҳ раҳмату мағфираташ кунад. Ӯро ором гузоред", — навиштааст Ҷабборов.
Ӯ қайд кард, ки мақомот на ба раванди интихобот дахолат карданду на ба кори Комиссияи марказии интихобот.
Сторонники премьер-министра Садыра Жапарова на митинге у гостиницы Иссык-Куль в Бишкеке, Киргизия - Sputnik Тоҷикистон, 1920, 29.11.2021
Митинг дар Бишкек: эътирозгарон талаби лағви натоиҷи интихоботро доранд - видео
Ба гуфтаи Ҷабборов, мутахассиси комиссия ба иштибоҳи кӯчаке роҳ додааст, ки боиси нобоварии ҷонибҳо, бахусус зиёнкорон шудааст.
Падари президент Нуркоҷо Мусталӣ уулу моҳи сентябри соли 2017 даргузашт.
Ин дар ҳолест, ки намояндагону ҷонибдорони ҳизбҳое, ки тибқи маълумоти пешакӣ ба Жогорку Кенеш роҳ наёфтанд, талаб доранд, ки натиҷаи интихобот лағв шавад ва интихоботи нав баргузор гардад.
Задержание, наручники - Sputnik Тоҷикистон, 1920, 26.11.2021
КДАМ ҶҚ: Вакилон ва мансабдорони собиқ ба тасарруфи қудрат омодагӣ мегирифтанд
Чаҳор ҳизб: “Ата Мекен”, сотсиал-демократҳо, “Улуттар Биримдиги” ва “озодтик” дар интихобот ноком шуданд ва соҳиби курсӣ дар Жогорку Кенеш нагардиданд.
Ёдовар мешавем, ки интихоботи парлумонии тирамоҳи соли 2020 ба далели нақзи қонунгузории интихобот беэътибор дониста шуд. Ҷамъбасти натиҷаҳои он бо эътирозҳои оммавӣ, тағйир ёфтани президент ва ҳукумат дар ин ҷумҳурӣ анҷом ёфт.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала