Пойгоҳи 201-и Русия дарси омодагиҳои ҷангиро ду баробар зиёд мекунад

© Sputnik / Павел Бедняков / Гузаштан ба хазинаи аксУчения стран ОДКБ в Таджикистане
Учения стран ОДКБ в Таджикистане - Sputnik Тоҷикистон, 1920, 30.11.2021
Фармондеҳии Ҳавзаи низомии марказии Русия омодагиҳои ҷангиро дар пойгоҳи низомии 201-ум дар Тоҷикистон вусъат медиҳад
ДУШАНБЕ, 30 ноя — Sputnik. Пойгоҳи низомӣ аз аввали соли таълимӣ, ки якуми декабр оғоз мешавад, омодагиҳои ҷангиро ду баробар бештар мекунад, хабар дод дафтари матбуотии Ҳавзаи марказии низомии Русия.
Полковник Евгений Охрименко, иҷрокунандаи вазифаи фармондеҳи пойгоҳи 201-ум таъйид кард, ки аз якуми декабр омодагиҳои ҷангӣ афзоиш меёбанд.

"Аз ҷумла барои ронандаҳои мошинҳои ҷангӣ ҳудуди ҳазор дарси ронандагӣ гузаронда мешавад, беш аз се ҳазор дарси дигар марбути оташкушоӣ, тактикӣ ва омодагии махсус хоҳад буд", - омадааст дар иттилоия.

Барои халабонҳо соатҳои иловагии парвоз зам шудаанд, то шеваҳои мушкили ҳаракат дар шароити кӯҳсорро тамрин намоянд.
Таъкид шудааст, ки дар размоишгоҳҳои Лоҳур ва Самбулӣ заминаи моддӣ - техникӣ пурра фароҳам шуда, синфҳои дарсӣ муҷаҳҳаз гардидаанд.
Пограничный пункт пропуска - Sputnik Тоҷикистон, 1920, 21.11.2021
Шӯрои амнияти Русия аз фитнаи Киев дар наздикии марз ҳушдор дод
Инчунин барои дарсҳои амалӣ беш аз 500 нишони сайёру беҳаракат омода шудаанд, ки нақши худрав, зиреҳпӯш, ҳайати шахсӣ ва маҷмааҳои зиддитанкиро иҷро хоҳанд кард.
Қаблан хабар дода шуда буд, дар мавсими зимистон низомиёни пойгоҳи 201-уми Русия ҳудуди 40 размоиш мегузаронанд.
Маврид ба зикр аст, ки пойгоҳи низомии 201-ум дар Тоҷикистон бузургтарин пойгоҳи ҳарбии Русия дар берун аз қаламрави ин кишвар мебошад, ки дар шаҳрҳои Бохтар ва Душанбе ҷойгир шудааст.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала