Дарёфту мусодираи 10 кило афюн дар Кӯлоб

© SputnikВ печи АКН РТ сожгли свыше 370 килограмм наркотиков
В печи АКН РТ сожгли свыше 370 килограмм наркотиков  - Sputnik Тоҷикистон, 1920, 01.12.2021
Дар шаҳри Кӯлоб як сокини наҳияи Шамсиддин Шоҳин барои интиқол ва харидуфурӯши ғайриқонунии маводи нашъадор боздошт шуд
ДУШАНБЕ, 1 дек — Sputnik. Сокини деҳаи Ёли ноҳияи Шамсиддини Шоҳин барои интиқол ва харидуфурӯши ғайриқонунии маводи нашъадор бо миқдори махсусан калон аз ҷониби кормандони Агентии назорати маводи нашъаовари Тоҷикистон ҳангоми як амалиёт дар ҳудуди шаҳри Кӯлоб боздошт шуд.
Тибқи иттилои дафтари матбуотии Агентии назорати маводи нашъаовари Тоҷикистон, зимни кофтукови шахсӣ аз дохили воситаи нақлиёти шахси боздоштшуда, ки маводи нашъаоварро интиқол медод, як адад халтаи полиэтиленӣ бо навиштаҷоти “Тангем” иборат аз 10 адад бастаи афюн дарёфт шуд.
“Маводи дарёфтшуда воситаи нашъадори навъи афюн буда, вазни холиси онҳо 9 кг 855 граммро ташкил дод”,- қайд кардааст манбаъ.
Манбаъ ёдовар шудааст, ки шахси мазкур маводи нашъадори навъи афюнро ба мақсади харидуфӯруши ғайриқонунунӣ соҳиб шудааст.
Ситуация в городе Ош - Sputnik Тоҷикистон, 1920, 03.11.2021
Кӯшиши ворид кардани 150 кило маводи мухаддир ба Ӯзбекистон аз Тоҷикистон
Агентии назорати маводи нашъаовари Тоҷикистон таъкид кардааст, ки нисбат ба шаҳрванди боздоштшуда бо қисми 3-и моддаи 200-и Кодекси ҷиноятии Тоҷикистон парвандаи ҷиноятӣ боз шуда, тафтиши пешакӣ идома дорад.
Тибқи ин модда, шахси боздоштшуда метавонад ба муҳлати аз ҳашт то дувоздаҳ сол аз озодӣ маҳрум шавад.
Дар ҳамин ҳол Агентии назорати маводи нашъаовари Тоҷикистон аз сокинони кишвар хоҳиш кардааст, масъулиятшиносиро аз даст надиҳанд ва дар пешгирию муқовимат бо нашъамандию фурӯши ғайриқонунии маводи мухаддир бетараф набошанд.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала