Супориши Раҳмон ба Мирзонабот: Ҷавонони ВМКБ-ро бо кор таъмин кунед

© Администрация ГБАОИ.о обязанности председателя ГБАО Алишер Мирзонабот
И.о обязанности председателя ГБАО Алишер Мирзонабот  - Sputnik Тоҷикистон, 1920, 01.12.2021
Алишер Мирзонабот дар ҷаласаи ахири худ аз супориши Эмомалӣ Раҳмон барои таъмин намудани ҷавонони бешуғли ВМКБ бо ҷойи кор гуфт
ДУШАНБЕ, 1 дек - Sputnik. Иҷрокунандаи вазифаи раиси ВМКБ Алишер Мирзонабот дар ҷаласаи ахири худ аз сатҳи болои бекорӣ миёни ҷавонони ин вилоят изҳори нигаронӣ намуд.
Мирзонабот зикр намуд, ки бо супориши Эмомалӣ Раҳмон, президенти Тоҷикистон ва дастгирии Вазорати меҳнат дар маркази вилоят ярмаркаи ҷойҳои холии корӣ ташкил мешавад ва ҷавонони бешуғл метавонанд аз ин имконият истифода бурда, соҳиби ҷойи кор шаванд.
Дар идома иҷрокунандаи раиси вилоят дар робита ба ҳаводиси ахир гуфт, набояд ба навиштаҳои аксари манфиатҷӯён дар шабакаҳои иҷтимоӣ бовар кард.

"Шахси солимфикр набояд ба ин гуна суханони дурӯғ бовар кунад", - изҳор доштааст ӯ.

Иҷрокунандаи раиси вилоят аз масъулин даъват намуд, ки бо ҷавонони вилоят бештар суҳбату вохӯриҳо баргузор кунанд.
Вазъият дар ВМКБ пас қатли сокини ноҳияи Шоҳдара Гулбиддин Зиёбеков ноамн шуд.
Тибқи додаҳои додситонии ин вилоят, Зиёбеков дар пайгард қарор дошт ва барои нишон додани муқобилият ба кормандони ҳифзи ҳуқуқ паронда шуд. Аммо сокинони вилоят ин иддаоро қатъиян рад мекунанд ва бар инанд, ки марҳум ҷинояткор набуд ва барои ҳимоя аз номуси ҳамдеҳаи худ садо баланд карду муовини прокурорро барои рафтори номатлубаш танбеҳ дод.
Мигранты у посольства Таджикистана в Москве - Sputnik Тоҷикистон, 1920, 25.11.2021
Пас аз қазияи Хоруғ: зодагони ВМКБ дар Маскав ҷамъ шуданд - акс
Зимнан пас аз қатли Зиёбеков ва фавти се нафари дигар аз тири кормандони ҳифзи ҳуқуқ, дар майдони Исмоили Сомонии шаҳри Хоруғ теъдоди зиёди одамон даст ба эътироз заданд. Ин гирдиҳамоиҳо берун аз шаҳри Хоруғ, дар чанд шаҳри Русия ва Аврупову Амрико низ доман паҳн карданд.
Ҳоло вазъият дар ВМКБ ором буда, мардум аз пайи кору зиндагии худ мебошанд.
Гуфта мешавад, ин ҳодисаро мақомот бо 44 нафар аз фаъолони ВМКБ таҳқиқ доранд, вале то ҳол аз ҷузъияти ин тафтиш иттилое дар даст нест.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала