Подгузов: Энержӣ ва об манбаи аслии рушди иқтисод аст

© Sputnik / Александр Гальперин / Гузариш ба медиабонкПредседатель правления Евразийского банка развития Николай Подгузов
Председатель правления Евразийского банка развития Николай Подгузов - Sputnik Тоҷикистон, 1920, 03.12.2021
Обуна шудан
Раиси раёсати Бонки Рушди Авруосиё гуфт, дар чаҳорчӯби афзоиши талабот ба барқ норасоии об дар манотиқи Осиёи Миёна то 26 дарсад мерасад
ДУШАНБЕ, 3 дек - Sputnik. Николай Подгузов дар чорчӯби Анҷумани дуюми Авруосиё дар Маскав қайд кард, ки дар давоми 30 сол робитаҳои энержӣ ва обии миёни кишварҳои Осиёи Миёна гусаста шуд.
Вай гуфт, ки дар ин давра ҳар як кишвари Осиёи Миёна кӯшиш кард, мушкилоти амнияти энержии худро дар танҳоӣ таъмин намояд.

“То як муддат ин имконпазир буд. Аммо иқтисод рушд мекунаду талабот ба барқ афзоиш меёбад. Вақте ҳамаи ин аз манобеи обӣ вобастааст, истифодаи нодурусти манобеи обӣ боиси сар задани мушкилиҳо мешавад”, - гуфт Раиси раёсати Бонки Рушди Авруосиё.

Вай илова кард, ки тақрибан 77 дарсади захираҳои оби Осиёи Миёна дар кишварҳои болооби дарёҳои Омӯ ва Сир, дар қаламрави Қирғизистон ва Тоҷикистонанд. Кишварҳои поёноб, Ӯзбекистон, Қазоқистон ва Туркманистон аз 85 дарсади ин обҳо истифода мекунанд.
Вай афзуд, ки масрафи об дар ин кишварҳо аз ҳад зиёд аст.
Дар чаҳорчӯби рушди талабот ба барқ норасоии об ба 26 дарсад расидааст.
Суханронии Шералӣ Кабир, вазири саноат ва технологияҳои нави Тоҷикистон дар Конгресси дуюми АвруОсиё - Sputnik Тоҷикистон, 1920, 03.12.2021
Аз фурӯши барқи изофӣ то нерӯи офтоб: Шералӣ Кабир дар Маскав аз чӣ гуфт? - видео
Николай Подгузов илова кард, ки норасоии об дар кишварҳои Осиёи Миёна аз солҳои 90-ум оғоз ёфта, сол то сол афзоиш меёбад.

“Ҳоло мо шоҳиди норасоии об дар кишварҳои Осиёи Миёна ҳастем. Пеш аз ҳама аз ин мушкилот Ӯзбекистон, Туркманистон, Қазоқистон ранҷ мекашанд. Ҳамчунин дар қиёси иқтисодӣ Тоҷикистон ҳам аз ба камбуди об рӯ ба рӯ шудааст. Яъне мушкилот зиёдтар мешавад”, - гуфт вай.

Ҳамчунин вай таъкид дошт, ки дар тӯли солҳо ҳаҷми мубодилаи энержӣ миёни кишварҳои Осиёи Марказӣ низ коҳиш ёфт.
“Ҳоло ҳар як кишвари Осиёи Марказӣ масъалаи таъмини нерӯи барқро мустақилона ҳал мекунад. Бо таваҷҷуҳ ба талаботи энержии лозима бояд 82 гигаватт нерӯи изофии барқ тавлид шавад. Агар мубодилаи энержӣ миёни кишварҳо мебуд, зарурат ҳамагӣ 72 гигаваттро ташкил медод. Ин 10 гигаватти ночиз 22 миллиард доллар арзиш дорад”, - қайд кард ӯ.
Шералӣ Кабир - вазири саноат ва технологияҳои нави Тоҷикистон дар Маскав - Sputnik Тоҷикистон, 1920, 02.12.2021
Шералӣ Кабир: Фурсати қудратгирии Тоҷикистон нав фаро расид
“Ин маънои онро дорад, ки барои рушди низоми обёрӣ 22 миллиард доллар пайдо мешавад. Зарур аст, низоми энержиро ҳамоҳанг, мубодилаи энержир барқарор ва ҷустуҷӯву дарёфт намудани маблағгузорӣ ба обёриро беҳтар кард. Ин метавонад таъсири хеле ҷиддӣ дошта бошад”, - афзуд бонкдори рус.
Вай дар чорчӯби Анҷумани дуюми Авруосиё дар Маскав афзуд, агар ин иқдомҳо анҷом ёбанд, рушди ММД-и кишварҳои Осиёи Марказӣ метавонад то 1,5 дарсад, ҳамчунин сарфаи об ба 40% расад.
Николай Подгузов хусусан қайд кард, ки Бонки Рушди Авруосиё ба ин кор машғул аст ва онҳо мехоҳанд рушди устувори Осиёи Марказиро таъмин кунанд, зеро энергетика ва об манбаи асосии рушди иқтисод мебошанд.
Лентаи хабарҳо
0