Сарони НАТО дар Эстония вориди "ҷанги танкӣ" бо "режими Русия" шуданд

© REUTERSВоенные учения боевой группы передового присутствия НАТО "Хрустальная стрела-2021" в Адажи
Военные учения боевой группы передового присутствия НАТО Хрустальная стрела-2021 в Адажи - Sputnik Тоҷикистон, 1920, 03.12.2021
Суханҳои таҳоҷумии НАТО алайҳи Русия рӯз аз рӯз бештар мешаванд. Дар нишасти вазирони умури хориҷии ин иттиҳод, ки ҳафтаи ҷорӣ дар Рига ҷамъ омада буданд, баъзан чунин менамуд, ки худашон бо мо ҷанг эълон карданианд.
ДУШАНБЕ, 3 дек — Sputnik, Владимир Корнилов. Кор ба ҷое расид, ки Йенс Столтенберг, дабири кулли НАТО шояд бори аввал истилоҳи "режими Русия"-ро дар робита ба қудрати давлатӣ истифода кард.
Апотеози ин истерияи параноидӣ зоҳир шудани вазири корҳои хориҷии Бритониё Лиз Трасс дар як танк дар Эстония, хеле наздик ба марзи Русия буд. Вай пинҳон намекард, ки бо намуди зоҳирии ҷангҷӯёна ба Русия як паёми муайянеро дар бораи омодагии худ барои муқовимат ба "ниятҳои таҷовузкорона"-и мо расонданист.
Далели он ки вай дар тан камароти тир ва кулоҳ дошт, бояд ҷиддияти "таҳдиди Русия"-ро нишон медод: зоҳиран вазири корҳои хориҷии Бритониё мутмаин карданд, ки вай дар хатти пеши ҷабҳаи Аврупову Русия қарор дорад ва тирҳо метавонанд дар ҳар лаҳза аз болои сари онҳо гузаранд.
Президент РФ В. Путин принял участие в заседании клуба Валдай - Sputnik Тоҷикистон, 1920, 01.12.2021
Охирин шарти Путин ба НАТО
Биёед, як лаҳза тасаввур кунем, ки агар Сергей Лавров дар як танк бо либоси ҷангӣ дар наздикии марзҳои ягон давлат пайдо шавад, дар расонаҳои ғарбӣ чӣ оғоз мешавад.
Тасаввур кардани чунин манзара воқеан душвор аст: дар ин ҷо калимаи "дипломатия"-ро ҳанӯз ба маънои классикӣ маънидод мекунанд. Рафтори Трасс як зуҳури худи падидаи сиёсати ғарбист, ки чанде пеш роҳбари Вазорати корҳои хориҷии Русия онро “дипломатияи ғаразнок” таъриф карда буд. Барои ин гуна кирдорҳои иғвогарона истилоҳи аниқтар ёфтан душвор аст.
Аслан падидаеро, ки мо ин ҳафта дар Рига мушоҳида кардем, метавон зуҳури “дипломатияи ғазаб”-и дастаҷамъона номид ва ин муболиға нахоҳад буд. Роҳбарони ниҳодҳои корҳои хориҷии кишварҳои Иттиҳоди Атлантикаи Шимолӣ гӯё дар байни худ ба муқобили Русия бо гапҳои таҳоҷумии худ ракобат мекарданд. Ва дар омади гап, ҳатто ба хотир овардан душвор аст, ки кай матбуоти Ғарб ин воқеаро, ки ҳамеша мулоқоти мукаррарии дипломатҳои Ғарб ҳисоб меёфт ва диққати матбуотро чандон ба худ намекашид, ин қадар фаъолона инъикос мекард.
Воқеан ҳам, пеш аз нишасти кунунии НАТО як маъракаи бениҳоят воҳима дар робита ба "ҳамлаи Русия ба Украина" баргузор шуд. Ва ҳарчанд худи Украина аз чунин фишорҳо дар ҳайрат афтода, ҳис кард, ки чизе нодуруст аст ва кӯшиш кард, ки ин иддаоро рад кунад, аммо ҳатто Русияро дар паҳн кардани он муттаҳам кард.
Украино-американские учения Fearless Guardian - 2015 - Sputnik Тоҷикистон, 1920, 19.11.2021
Барномаҳои ҷадиди НАТО барои Украина - “эҷоди ҳарҷумарҷ дар ақибгоҳ”
"Шарикон”-и ғарбии Украина маҷбур буданд, ки Украинаро ба ҷиддии таҳдиди ноаён мутақоид созанд. Ифодаи "тарс чашмони калон дорад" дар ниҳоят ба як паёми DW-и Олмон дар бораи ҷамъ шудани "115 миллион низомии Русия" дар марз бо Украина табдил ёфт. Рӯшан аст, ки ин дуруст нест, аммо ҳикоят аз он мекунад, ки сатҳи истерияи зидди Русия дар Ғарб зиёд мебошад.
Ин "ҷамъ шудани қӯшунҳои рус"-ро қариб ҳамаи вазирони корҳои хориҷӣ, ки дар Рига суханронӣ карданд, зикр намуданд. Тавре Лавров қайд кард, дабири кулли НАТО “ҳоло як сухангӯ ва қаҳрамони асосӣ дар Ғарб” шудааст. Бо ёдоварӣ аз он ки Столтенберг як сиёсатмадори комилан солимфикр дар мақоми нахуствазири Норвегия буд, вазири хориҷаи Русия бо таассуф гуфт:
"Ҳоло бо ӯ чизе рух додааст ё ӯро маҷбур мекунанд, ки ба таври қатъӣ хашмгин бошад".
Изҳороти ахири Столтенберг дар бораи ҷойгир кардани мушакҳои ҳастаии "шарқи Олмон" далели рӯшане бар ин аст. Бояд гуфт, ки ин тезис бо убури тамоми "хатҳои сурх"-и имконпазир ва ҳатто вайрон кардани шартномаҳои байналмилалӣ барои расонаҳои асосии ҷаҳонӣ ба навъе хеле оддӣ садо медод. Онҳо вонамуд мекарданд, ки гӯё ин изҳоротро аз забони дабири кулли НАТО "нафаҳмидаанд".
Аммо дар Ғарб ба суханони раисиҷумҳури Беларус Александр Лукашенко дар бораи имкони истиқрори мушакҳои ҳастаии Русия дар кишвараш вокуниши фаврӣ пайдо шуд, ки ӯ дар мусоҳиба бо Дмитрий Киселев гуфтааст. Столтенберг ногаҳон суханони худро дар бораи мушакҳои "шарқи Олмон" "фаромӯш кард" ва дар посух ба "таҳдид"-и Лукашенко гуфт, НАТО маълум мешавад, "дигар нақша надорад, ки ҳеҷ гуна силоҳи ҳастаӣ дар хориҷ аз он кишварҳое ҷойгир кунад, ки дар он ҷо чунин силоҳ... солҳои зиёд вуҷуд дорад.”
Арктическая экспедиция Кара-зима 2015 - Sputnik Тоҷикистон, 1920, 10.11.2021
Ғарб мехоҳад ба Шимол равад, аммо он ҷоро Русия банд кард
Дар хотир доред, ки аз байни изҳороти ба ҳам мухолифи ҳамон дабири кулли ҳамон паймони ҳарбӣ дар бораи имконият ва имконнопазирии ҷойгир кардани яроқи ҳастаии "шарқи Олмаон" ҳамагӣ 12 рӯз гузаштааст! Ва ҳеҷ як рӯзноманигори ғарбӣ ҳатто ба ин аломатҳои нигаронкунандаи ҷудоӣ дар зеҳни раҳбари НАТО аҳамият надодааст.
Аммо Ғарб низ бояд аз ин нишонаҳо нигарон бошад. Охир, чунин зиддиятҳои ошкор дар изҳороти сардори блоки пуриқтидори ҳарбӣ боиси оқибатҳои ислоҳнашаванда шуда метавонанд. Бале, салоҳиятҳои дабири кулли НАТО ниҳоят маҳдуданд. Аммо дар ниҳоят ӯ зери фармондеҳии худ як навъ инфрасохтори низомӣ низ дорад. Ва он гоҳ вазирони танкҳо метавонанд ба ҷои нодуруст бираванд.
Столтенберг ҳатто бо "фаромӯшӣ"-и аҷиби худ то ҳол дарки кофӣ дорад, ки ба сенарияи Гурҷистон овардани вазъ дар Украина ҳам барои Киев ва ҳам барои Вашингтон пайомадҳои ногувор дорад. Аз ин рӯ дабири кулл танбал набуд, ки ҳамон як сигналро дар панҷ рӯз се бор такрор кунад: НАТО дар назди Украина уҳдадор нест, ки онро аз ҳамлаи беруна дифоъ кунад.
Ин то андозае рӯҳияи низомигароии сиёсатмадорони Украинаро заиф кард, ки дар бораи "ҷангу пирӯзӣ бар зидди Русия" суҳбат мекарданд. Ҳамзамон сафири Бритониё дар Киев Мелинда Симмонс тақаллуби ошкори рӯзномаи бритониёии “Mirror” дар бораи нияти Лондон барои фиристодани 600 нерӯи вижа ба Украина "дар сурати ҷанг бо Русия"-ро рад кард.
Министр иностранных дел РФ Сергей Лавров - Sputnik Тоҷикистон, 1920, 15.10.2021
Лавров гуфт, чаро Ғарб талош дорад, ба Русия фишор орад
Ин ҳафта Владимир Путин ба Ғарб пешниҳод кард, ки “музокироти ҷиддӣ”-ро барои таҳияи “созишномаҳои мушаххас, ки ҳар гуна ҳаракати минбаъдаи НАТО ба самти шарқ ва истиқрори системаҳои аслиҳаеро, ки ба мо дар наздикии қаламрави Русия таҳдид мекунанд, манъ кунанд”, матраҳ кард.
Дар баробари ин ваъдаҳои лафзии иттиҳод дигар барои мо мувофиқ нестанд: ҳамаи мо ҳамин гуна "кафолат"-ҳоро дар хотир дорем, ки замоне ба Михаил Горбачев ва Борис Елтсин дода шуда буданд.
Аз ин рӯ, ҳоло Маскав ба шартномаҳои ҳуқуқӣ муроҷиат мекунад ва дар ҳоли тахриби "хатҳои сурх" ва дар сурати вайрон кардани созишномаҳо ҷавобҳои ҳаммисл хоҳад дод. Оре, дар айни замой тасаввур кардан душвор аст, ки Ғарб дар шароити параноияи зиддируссие, ки дар байни онҳо ҳукмфармост, ба гуфтугӯи созанда қодир бошад. Бо вуҷуди ин як мусоҳиба бо Лукашенко тавонист бархӯрди Столтенбергро ба идеяи истиқрори мушакҳои ҳастаӣ дар Лаҳистон ё кишварҳои соҳили Балтика тағйир диҳад.
Аммо Русия метавонад аз ин пештар равад, агар таҳдид ба манофеи миллии мо боз ҳам воқеитар шавад. Охир, мо дар дигар қитъаҳо ҳам ҳампаймон дорем. Бинобар ин беҳтар мебуд, НАТО ҳамон мусоҳибаҳои ҳушёронаи президентҳои Никарагуа, Венесуэла ё Кубаро интизор нашавад.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала