Сокини 46-солаи Душанбе барои таҳқиру озори модари пираш ҳабс шуд

© Sputnik Женщина плачет, архивное фото
Женщина плачет, архивное фото - Sputnik Тоҷикистон, 1920, 03.12.2021
Номбурда қаблан низ барои озор додани модари пираш ду бор ба ҳабси маъмурӣ маҳкум шуда буд
ДУШАНБЕ, 3 дек — Sputnik. Дар Душанбе як модар аз болои фарзанди худ ба кормандони милиса шикоят бурдааст.
Дафтари матбуотии Раёсати умури дохилӣ дар пойтахт аз қавли ин модар менависад, ки фарзандаш ӯро пайваста мавриди таҳқиру озор қарор медод.
Муроҷиаткунанда арз намудааст, ки писари 46-солааш доим ӯро мавриди дашному ҳақорат қарор дода, бо ҳар баҳона аз гиребонаш мегирад.
Девушка закрывает лицо руками - Sputnik Тоҷикистон, 1920, 03.12.2021
Ҷазои ҳуқуқшиноси "Тоҷикфилм" барои гаппартоиву дашноми ҷавонзане дар Душанбе
Кормандони ин ниҳод бар асоси шикояти зани калонсол фарзандашро, ки оиладор ва соҳиби 3 фарзанд аст, ба мақомоти милитсия дастрас карданд.
Муайян гардид, ки ӯ қаблан низ барои дашному озор додани модараш дар ҷойи ҷамъиятӣ ду дафъа муҷозот шудааст.
Ҳамин тариқ бо назардошти ҳолати мазкур нисбати ин мард, тибқи талаботи моддаи 460-и Кодекси ҳуқуқвайронкунии маъмурӣ, парвандаи маъмурӣ тартиб дода ва бо қарори додгоҳ ба муҳлати 15 шабонарӯз ба ҳабс гирифта шуд.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала