Шаҳодати Навиди Хонободӣ: Ҷабҳаи муқовимат чанд фармондеҳашро аз даст дод?

© Бойгонии Аҷмал СайидхелӣНавид Сайидхелӣ, маъруф ба Навиди Хонободӣ, яке аз фармондеҳони зиддитолиб
Навид Сайидхелӣ, маъруф ба Навиди Хонободӣ, яке аз фармондеҳони зиддитолиб - Sputnik Тоҷикистон, 1920, 04.12.2021
Обуна шудан
Навид Сайидхелӣ, маъруф ба Навиди Хонободӣ, яке аз фармондеҳони зиддитолиб дар шимоли Афғонистон аз сӯи толибон ба шаҳодат расидааст
ДУШАНБЕ, 4 дек - Sputnik. Вай соли 2009 маршал Муҳаммадқасими Фаҳим, вазири дифоъ ва муовини раисҷумҳури вақти Афғонистонро аз камини як гурӯҳи мусаллаҳ наҷот дода буд.
Аҷмал Саидхелӣ, яке аз фармондеҳони Ҷабҳаи муқовимати миллии Афғонистон, ки бо ӯ хешовандӣ дорад, ба Sputnik Тоҷикистон гуфт, Навид ду сол қабл дар пайи як тавтеа аз сӯйи ҳукумати Ашраф Ғанӣ дар маҳбаси Пули Чархӣ зиндонӣ ва бо забти Кобул аз сӯи толибон дар қатори дигар маҳбусон озод шуда буд.
“Тақрибан 20 рӯз қабл толибон дубора ба суроғи ӯ, ки дар шаҳраки Ориёи Кобул зиндагӣ мекард, омада, ӯро бо худ бурда буданд. Вақте аз ӯ дарак нашуд, пайвандон ба ҷустуҷӯяш рафтанд ва аз тариқи каналҳои худ маълум карданд, ки Навидро толибҳо ба шаҳодат расонда, дар теппаи Вазир Акбархони Кобул дафн намудаанд. Қабри ӯ боз ва шахсашро шиносоӣ карданд. Дар андомаш осори шиканҷаи шадид дида мешуд”, - гуфт Аҷмал Саидхелӣ.
Афганское движение сопротивления во патрулирования в провинции Панджшер, Афганистан - Sputnik Тоҷикистон, 1920, 27.11.2021
Ҷабҳаи муқовимат: Субҳи зафар наздик аст
Навид Сайидхелӣ, маъруф ба Навиди Хонободӣ ҳудуди 40 сол дошт ва аз қавми саидхелиҳои вилояти Парвони шимоли Кобул буд, ки дар рустои Саидхелии шаҳристони Хонободи вилояти Кундуз зиндагӣ мекард.
Ӯ аз афроди наздик ба Мавлоно Саидхелӣ, фармондеҳи Ҷамъияти исломӣ, ҳизби тоҷикони Афғонистон ва аз раҳбарони матраҳи муқовимати аввал, таҳти раҳбарии Аҳмадшоҳи Масъуд (1996-2001) ба шумор мерафт.
Мавлоно Саидхелӣ соли 2011, замоне ки фармондеҳи пулиси вилояти Кундуз буд, дар пайи як ҳамлаи интиҳорӣ ба шаҳодат расид. Навиди Хонободӣ як гурӯҳи 400-нафараи хезишҳои мардумиро дар вилоятҳои Тахору Кундуз раҳбарӣ мекард ва ба қавли Аҷмал Саидхелӣ, ҳадафи ба зиндон афканда шуданаш аз сӯйи ҳукумати Ғанӣ маҳор кардани ӯ ҳамчун як фармондеҳи зиддитолиб буд.

“Толибоне, ки дар Кундузу Тахор ҳузур доранд, аз ӯ зарбаи зиёд дидаанд ва ба иттилои мувассақи мо, маҳз онҳо ӯро дар Кобул пайдо карда, ба шаҳодат расондаанд”, - гуфт ӯ.

Афроди Навид Хонободӣ моҳи июли соли 2009 дар ҷон ба саломат бурдани маршал Муҳаммадқасими Фаҳим, номзад-муовини раисҷумҳури Афғонистон дар интихоботи президентии ҳамон сол аз як камини толибон дар дуроҳии Хонобод саҳми калидӣ доштанд.
Барномаи аз миёни бурдани фармондеҳони зиддитолиб дар шимоли Афғонистон дар замони ҳукуматҳои Ҳомид Карзаю Ашраф Ғанӣ ва ба бовари огаҳони ҳол, бо пуштибонии истихбороти ғарбӣ пиёда мешуд.
 Бывшие моджахеды держат оружие, чтобы поддержать афганские силы в их борьбе против талибов - Sputnik Тоҷикистон, 1920, 17.10.2021
Ҷанги Андаробҳо: кушта шудани ду фармондеҳи Ҷабҳаи муқовимат ва як толиб
Ҳадафи онҳо фароҳам сохтани замина барои густариши толибон дар шимоли Афғонистон буд, ки воқеияташро ба қудрат расидани онҳо собит кард.
Ба шумули Мавлоно Сайидхелӣ, се чеҳраи маъруфи дигар дар шимол – Муҳаммад Довуди Довуд, Шоҳҷаҳон Нурӣ ва Пиримқул, аз фармондеҳони бозмонда аз муқовимати аввали зидди толибон низ дар ин миён аз байн бурда шуданд.
Тибқи иттилои Ҷабҳаи муқовимати миллии Афғонистон, тайи ҷангҳои ахир дар Панҷшеру Андаробҳои вилояти Бағлон ҳудуди 15 фармондеҳи раддаи аввалу миёна ва хурди ҷабҳа, ба шумули Ҳоҷӣ Баҳлул, Вадудхон, Муҳаммад Ашраф Хусравӣ, Холид Панҷшерӣ, Сайид Бодшоҳ, Яъқуб Алихон, Имоми Нурзод ва ғайра ба шаҳодат расидаанд.
Лентаи хабарҳо
0