Дар Суғд гуфтанд, ки кормандони кадом идораҳо бештар даст ба фасод мезананд

© Sputnik Конверт с деньгами, архивное фото
Конверт с деньгами, архивное фото - Sputnik Тоҷикистон, 1920, 04.12.2021
Комиссияи ҷамъиятии пешгирии коррупсия дар Суғд, ки асосан аз ҳисоби роҳбарони идораҳои давлатӣ таъсис шудааст, ҷаласаи кории худро баргузор намуд
ДУШАНБЕ, 4 дек – Sputnik. Дар иҷлосия вазъи содиршавии ҷиноятҳои коррупсионӣ мавриди баррасӣ қарор дода шуда, дар он Абдуҷалол Қодирҷонзода, сарнозири Ожонси мубориза бо фасод дар Суғд дар бораи содиршавии ҷиноятҳои коррпусионӣ аз сӯйи идораҳои давлатӣ иттилоъ дод.
Бино ба иттилои ӯ, давоми шаш моҳи соли ҷорӣ 340 ҷиноятҳои коррупсионӣ ва иқтисодии хусусияти коррупсионидошта ошкор гардидааст, ки 25 мавриди он аз сӯйи 20 корманди идораҳои ҳукуматӣ дар шаҳру навоҳии вилояти Суғд содир шудааст.

“Ба ғайр аз ин 12 ҷиноят нисбати 7 корманди соҳаи тандурустӣ, дар соҳаи маориф бошад, содиршавии 55 ҷиноят нисбати 32 нафар ба қайд гирифта шудааст”, - гуфт Қодирҷонзода.

Тавре масъулони идораи мубориза бо фасоди молӣ гузориш доданд, дар давраи ҳисоботӣ омори ҷиноятҳои коррупсионӣ дар миёни кормандони идораҳои ҳукуматӣ, маориф, тандурустӣ, заминсозӣ ва низоми бонкдорӣ зиёд шудааст.
Зайнура Азимӣ, муовини раиси вилояти Суғд ба қабули фармони президенти Тоҷикистон дар бораи Стратегияи давлатии муқовимат бо коррупсия дар Ҷумҳурии Тоҷикистон барои давраи то соли 2030 ишора кард.
Ӯ иброз намуд, ки дар зимни қабули ин фармони раисиҷумҳур дар моҳи августи соли 2021 роҳандозии иқдомоти иттилоотӣ-тарғиботии муқовимат бо коррупсия ба нақша гирифта шудааст.
Сомони, архивное фото - Sputnik Тоҷикистон, 1920, 02.11.2021
Оҷонсии зидди фасод мансабдори ҳукумати Деваштичро бо иттиҳоми қаллобӣ боздошт кард
Назира Ғаффорӣ, омӯзгори Донишгоҳи Хуҷанд ва муовини комиссияи ҷамъияти пешгирии коррупсия зикр кард, ки фасоди молӣ зуҳуроти номатлуби ҷомеа буда, мубориза бо он вазифаи мақомоти ҳокимияти давлатӣ, ниҳодҳои ҷомеаи шаҳрвандӣ ва ҳар як сокини кишвар маҳсуб мешавад.
Аъзои комиссияи ҷамъиятии мубориза бо фасод дар Суғд иброз намуданд, ки фасоди молӣ ҳамчун хатари асосӣ ба амнияти миллӣ эътироф гардида, истифодаи маҷмӯи чораҳои муассир ба инобат гирифта шуда, ҳадаф аз баргузории ҷаласа ҳам баррасии роҳҳои пешгирӣ ва муқовимат бо ин зуҳуроти номатлуб аст.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала