https://sputnik.tj/20211204/suiqasd-voli-panjsher-jabha-muqovimat-1043946952.html
Сӯиқасд ба волии Панҷшер: сухангӯи ҷаълии Ҷабҳаи муқовимат фош шуд
Сӯиқасд ба волии Панҷшер: сухангӯи ҷаълии Ҷабҳаи муқовимат фош шуд
Sputnik Тоҷикистон
Ҷабҳаи муқовимати миллии Афғонистон ахбори даст доштанаш дар сӯиқасд ба ҷони волии Панҷшерро рад кард
2021-12-04T23:11+0500
2021-12-04T23:11+0500
2021-12-06T14:30+0500
афғонистон
толибон
ҷабҳаи муқовимати миллии афғонистон
https://cdnn1.img.sputnik.tj/img/102820/94/1028209461_0:161:3069:1887_1920x0_80_0_0_1a48bd63d37bc2d474abda4ff05765f4.jpg
ДУШАНБЕ, 4 дек - Sputnik. Қаблан як нафар худро сухангӯи Ҷабҳа муаррифӣ намуда, ин ҳамларо кори дасти муқовиматгарон хонда буд. Сибғатуллоҳ Аҳмадӣ, сухангӯи Ҷабҳаи муқовимати миллии Афғонистон ба Sputnik Тоҷикистон гуфт, ҳамлаи имрӯз ба Мавлавӣ Қудратуллоҳ, волии “Толибон” дар вилояти Панҷшер кори дасти нерӯҳои муқовимат нест. Қаблан расонаҳои ғарбӣ ба нақли қавл аз Шамсуддин Ҳомид, ки “яке аз сухангӯёни Ҷабҳа” муаррифӣ шудааст, хабар дода буданд, ки нерӯҳои муқовамати миллӣ Мавлавӣ Абдулалӣ, машҳур ба Қудратуллоҳ, воли Панҷшерро дар минтақаи Таймании шаҳри Кобул ҳадаф қарор додаанд, ки “мутаассифона, ҷон ба саломат бурдааст”. Тибқи иттилои расонаҳо, дар пайи ин ҳамла 5 сарнишини мошини ҳомили волии Панҷшер, ба шумули худи ӯ захмӣ шуда, аммо касе аз онҳо ба ҳалокат нарасидааст. Дар ҳамин ҳол Сибғатуллоҳ Аҳмадӣ гуфт, Ҷабҳаи муқовимати миллии Афғонистон танҳо як сухангӯ дорад ва фарде ба номи Шамсуддин Ҳомид сухангӯи ҷаълӣ аст. “Аз расонаҳои муҳтарам даъват мекунем, ки дар масоили хабарӣ бо сухангӯи худи ҷабҳа тамос бигиранд”, - гуфт ӯ. Ҷабҳаи муқовимати миллӣ 23 ноябри соли равон Сибғатуллоҳ Аҳмадиро минҳайси сухангӯи худ муаррифӣ намуда буд, ки аз сӯйи раҳбари ҷабҳа Аҳмади Масъуд таъйин шудааст. Ӯ дар ин вазифа Фаҳими Даштиро иваз намуд, ки 5 сентябр замони ҳамлаи “Толибон” ба Панҷшер ба шаҳодат расида буд.
https://sputnik.tj/20211203/uzbekho-masud-samangon-jabhai-tolibon-1043916226.html
афғонистон
Sputnik Тоҷикистон
info@sputnik.tj
+74956456601
MIA „Rosiya Segodnya“
2021
Sputnik Тоҷикистон
info@sputnik.tj
+74956456601
MIA „Rosiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rosiya Segodnya“
Sputnik Тоҷикистон
info@sputnik.tj
+74956456601
MIA „Rosiya Segodnya“
сӯиқасд волӣ панҷшер ҷабҳа муқовимат
сӯиқасд волӣ панҷшер ҷабҳа муқовимат
Сӯиқасд ба волии Панҷшер: сухангӯи ҷаълии Ҷабҳаи муқовимат фош шуд
23:11 04.12.2021 (Навсозишуда: 14:30 06.12.2021) Ҷабҳаи муқовимати миллии Афғонистон ахбори даст доштанаш дар сӯиқасд ба ҷони волии Панҷшерро рад кард
ДУШАНБЕ, 4 дек - Sputnik. Қаблан як нафар худро сухангӯи Ҷабҳа муаррифӣ намуда, ин ҳамларо кори дасти муқовиматгарон хонда буд.
Сибғатуллоҳ Аҳмадӣ, сухангӯи Ҷабҳаи муқовимати миллии Афғонистон ба Sputnik Тоҷикистон гуфт, ҳамлаи имрӯз ба Мавлавӣ Қудратуллоҳ, волии “Толибон” дар вилояти Панҷшер кори дасти нерӯҳои муқовимат нест.
“Нерӯҳои мо дар ин ҳамла ҳеҷ нақше надоранд. Ин кори дасти худи толибон метавонад бошад”, - гуфт Сибғатуллоҳ Аҳмадӣ.
Қаблан расонаҳои ғарбӣ ба нақли қавл аз Шамсуддин Ҳомид, ки “яке аз сухангӯёни Ҷабҳа” муаррифӣ шудааст, хабар дода буданд, ки нерӯҳои муқовамати миллӣ Мавлавӣ Абдулалӣ, машҳур ба Қудратуллоҳ, воли Панҷшерро дар минтақаи Таймании шаҳри Кобул ҳадаф қарор додаанд, ки “мутаассифона, ҷон ба саломат бурдааст”.
Тибқи иттилои расонаҳо, дар пайи ин ҳамла 5 сарнишини мошини ҳомили волии Панҷшер, ба шумули худи ӯ захмӣ шуда, аммо касе аз онҳо ба ҳалокат нарасидааст.
Дар ҳамин ҳол Сибғатуллоҳ Аҳмадӣ гуфт, Ҷабҳаи муқовимати миллии Афғонистон танҳо як сухангӯ дорад ва фарде ба номи Шамсуддин Ҳомид сухангӯи ҷаълӣ аст.
“Аз расонаҳои муҳтарам даъват мекунем, ки дар масоили хабарӣ бо сухангӯи худи ҷабҳа тамос бигиранд”, - гуфт ӯ.
Ҷабҳаи муқовимати миллӣ 23 ноябри соли равон Сибғатуллоҳ Аҳмадиро минҳайси сухангӯи худ муаррифӣ намуда буд, ки аз сӯйи раҳбари ҷабҳа Аҳмади Масъуд таъйин шудааст.
Ӯ дар ин вазифа Фаҳими Даштиро иваз намуд, ки 5 сентябр замони ҳамлаи “Толибон” ба Панҷшер ба шаҳодат расида буд.
