Маълум шуд, ки изи ангушти кадом муҳоҷирон дар Русия гирифта намешавад

© Sputnik / Алексей Даничев / Гузариш ба медиабонкПроцедура снятия биометрических данных в визовом центре, архивное фото
Процедура снятия биометрических данных в визовом центре, архивное фото - Sputnik Тоҷикистон, 1920, 05.12.2021
Обуна шудан
Аз 29 декабр гирифтани изи ангушт барои шаҳрвандони хориҷӣ дар Русия ҳатмӣ мешавад
ДУШАНБЕ, 5 дек — Sputnik. Дар Русия бархе аз тоифаҳои муҳоҷирон аз гирифтани изи ангушт ва аксбардории ҳатмӣ озод хоҳанд шуд. Дар ин бора ТАСС бо такя ба Вазорати корҳои дохилии Федератсияи Русия менависад.
Ҳамин тариқ, шаҳрвандони Беларус ва хориҷиёни то шашсола аз ин тартиб озоданд.
Илова бар ин, дипломатҳо, кормандон ва ҳайати маъмурию техникии атташеҳои низомӣ, намояндагиҳои тиҷоратӣ ва дигар мақомоти давлатии кишварҳо аз гирифтани изи ангушт ва аксбардорӣ озод карда мешаванд. Ҳамчунин изи ангушти пайвандони онҳо низ гирифта намешавад. Маълумоти дахлдор дар лоиҳаи фармони Вазорати корҳои дохилии Федератсияи Русия оварда шудааст.
Процедура снятия биометрических данных в визовом центре, архивное фото - Sputnik Тоҷикистон, 1920, 04.09.2021
Корт бо изи ангушт: талаботи нав барои муҳоҷирон дар Русия - аз кай?
Ёдовар мешавем, ки дар Русия аз 29 декабр муҳоҷирони корӣ ва шаҳрвандони кишварҳои дигар, ки ба муддати беш аз 90 рӯз вориди ин кишвар мешаванд, бояд ҳатман изи ангушт ва аксбардорӣ гузаранд. Пас аз он ба хориҷиён ҳуҷҷате дода мешавад, ки метавонад дар шакли корти пластикӣ бо чипи электронӣ таҳия карда шавад.
Дар ин шакл, агар аз ҷиҳати техникӣ имконпазир бошад, пешниҳод карда мешавад ва дар ҳолатҳои дигар, шаҳодатнома бе он дода мешавад. Дар тарафи пеши карта сурати ранга ё сиёҳу сафед, рақамгузории мушаххаси ҳуҷҷат, насаб, ном, номи падар, санаи таваллуд ва ҷинс гузошта мешавад.
Лентаи хабарҳо
0