Барфу борон ва тормеғ: Пешгӯии обуҳавои Тоҷикистон

© SputnikТуман в Душанбе, архивное фото
Туман в Душанбе, архивное фото - Sputnik Тоҷикистон, 1920, 06.12.2021
Обуна шудан
Ҳавосанҷон дар ВМКБ бориши барфу дар дигар минтаҳо борон ва фаромадани тормеғро пешгӯӣ мекунанд
ДУШАНБЕ, 6 дек – Sputnik. Ҳавои ВМКБ тағйирёбанда дар назар буда, дар баъзе ноҳияҳо бориши сусти борон ва барф пешгӯӣ мешавад.
Оҷонсии обуҳавошиносӣ мегӯяд, дар ғарби вилоят шабона 0-5 хунук, дар баъзе ноҳияҳо то 4-9 дараҷа хунук ва рӯзона 4+9 дараҷа гарм мешавад. Дар шарқи вилоят ҳаво шабона 11-16 дараҷа хунук, рӯзона 2 дараҷа хунук ва 3 дараҷа гарм мешавад.
Манбаъ дар вилояти Суғд ҳавои тағйирёбандаи бебориш ва фаромадани тормеғро дар баъзе ноҳияҳо пешгӯӣ мекунад.
Дар водиҳо шабона 1+6 дараҷа гарм ва рӯзона 10-15 дараҷа гарм мешавад. Дар ноҳияҳои кӯҳӣ ҳаво шабона 0-5 дараҷа хунук ва рӯзона 2-7 дараҷа гарм мешавад.
Зима в городе Душанбе - Sputnik Тоҷикистон, 1920, 01.12.2021
Ҳавосанҷон гуфтанд, зимистони тоҷикистониён чӣ гуна хоҳад буд
Дар вилояти Хатлон ҳавои тағйирёбандаи бебориш дар назар аст. Дар баъзе ҳолатҳо бориши сусти борон ба амал омада, дар баъзе ноҳияҳо тормеғ (туман) мефарояд.
Ҳаво дар водиҳои ин вилоят шабона 1+6 ва рӯзона 10+15 дараҷа гарм мешавад. Дар доманакӯҳҳо ҳаво шабона 0+5 дараҷа ва рӯзона 7-12 дараҷа гарм мешавад.
Дар шаҳру ноҳияҳои тобеи марказ ҳавои тағйирёбанда шуда, дар водиҳо ва ноҳияҳои алоҳидаи кӯҳӣ дар баъзе ҳолатҳо бориши сусти борон ба амал омада, дар баъзе ноҳияҳо тормеғ (туман) мефарояд.
Ҳаво дар водиҳо шабона 1-6 ва рӯзона 11-16 дараҷа гарм мешавад. Дар ноҳияҳои кӯҳӣ ҳаво шабона 3-8 дараҷа хунук ва рӯзона 4-9 дараҷа гарм мешавад.
Сокинони пойтахтро бошад, бориши сусти борон ва меҳ интизор аст. Ҳаво шабона 1-3 ва рӯзона 12-14 дараҷа гарм мешавад.
Лентаи хабарҳо
0