Аз қарз ба муҳоҷирон то интиқоли пул: баррасии ҳамкории ду бонки амонатгузорӣ

© Sputnik / Валерий Мельников / Гузаштан ба хазинаи аксЦБ рекомендовал ограничить выдачу денег через банкоматы
ЦБ рекомендовал ограничить выдачу денег через банкоматы - Sputnik Тоҷикистон, 1920, 06.12.2021
Сироҷиддин Икромӣ, раиси “Амонатбонк” дар садри як ҳайат аз Тоҷикистон бо Анатолий Попов, ноиби раиси “Сбербанк”-и Русия густариши ҳамкориҳо, аз ҷумла пешниҳоди қарз ба муҳоҷиронро баррасӣ кардааст
ДУШАНБЕ, 6 дек — Sputnik. Раёсати “Амонатбонк”-и Тоҷикистон ба мудирони “Сбербанк”-и Русия пешниҳод кардааст, ки дар масъалаи додани қарз ба муҳоҷирон ҳамкорӣ шавад.
Тибқи иттилоияи нашркардаи “Амонатбонк”, роҳбарияти “Сбербанк” пешниҳоди ҷудо намудани қарз ба муҳоҷирони меҳнатиро қабул карда, ваъда додааст, ки пас аз омӯзиши масъала дар робита ба он посух медиҳад.
Манбаъ инчунин аз имзои созишномаи ҳамкории миёни “Амонатбонк” ва “Сбербанк” хабар дод, ки ҳамкорӣ дар бахшҳои гуногунро дар бар мегирад.
Знак процента, архивное фото - Sputnik Тоҷикистон, 1920, 02.12.2021
Дар Қирғизистон ипотекаи шаръӣ роҳандозӣ мешавад
Табодули иттилоот дар бораи шароити иқтисодӣ, молӣ ва сиёсӣ, ҳамкорӣ дар соҳаи боз кардани суратҳисобҳо, интиқоли зуди маблағҳо миёни ду кишвар, рақамикунонӣ ва таъмини амнияти киберӣ аз бандҳои созишномаи мазкур арзёбӣ шуданд.
Инчунин мувофиқа шудааст, ки кормандони “Амонатбонк” дар Донишгоҳи корпоративии "Сбербонк" аз давраҳои омӯзишӣ барои такмили ихтисос бархурдор мешаванд.
Барои таҳкими минбаъдаи ҳамкорӣ таъкид шудааст, аз ҳисоби роҳбарони воҳидҳои сохторҳои ду бонк гурӯҳи кории доимоамалкунанда таъсис дода мешавад, ки татбиқи созишномаи имзошударо пайгирӣ менамояд.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала