Толибон аз СММ талаби курсӣ доранд: "Ҳақ дорем"

© Sputnik / Владимир Астапкович / Гузариш ба медиабонкВторое заседание московского формата консультаций по Афганистану
Второе заседание московского формата  консультаций по Афганистану - Sputnik Тоҷикистон, 1920, 07.12.2021
Обуна шудан
Сухангӯи толибон гуфт, ин ҷо ҳаққи ҳукумат ва мардуми Афғонистон аст
ДУШАНБЕ, 7 дек — Sputnik. Толибон аз Маҷмаи умумии Созмони Милал хостанд, тасмим дар бораи сарпечӣ аз додани ҷойи Афғонистон ба ҳукумати ин кишвар дар ин созмонро бознигарӣ кунад.

"Ба нафаре, ки ҳукумат ва мардуми Афғонистонро намояндагӣ намекунад, додани курсӣ дар Созмони Милали Муттаҳид беинсофӣ аст", - гуфт муовини сухангӯи ин ҷунбиш Инъомулло Самангонӣ дар саҳифаи "Твиттер"-и худ.

Ба гуфтаи ӯ, ин макон ҳаққи ҳукумату мардуми Афғонистон аст ва ин ҳақро бояд ҳифз кард.
"СММ бояд аз рӯи ақл кор кунад ва онро бори дигар ба таври ҷиддӣ баррасӣ намояд", - гуфт сухангӯи толибон.
Боевики движения Талибан (террористическая организация, запрещена в России) в Кабуле - Sputnik Тоҷикистон, 1920, 06.12.2021
Толибон: Аз замони бозгашти дубораи мо ҳеҷ низомии собиқ эъдом нашудааст
Афзун бар ин СММ намояндагии Миёнморро, ки дар он хунтаи низомӣ қудратро ба дасти худ гирифтааст, тағйир надод.
Толибон дар бораи хатти марзӣ тасаввурот надоранд?
Маҷмаи умумии СММ қатъномаеро қабул кард, ки тибқи он, тасмимҳо дар бораи намояндагии Афғонистон ва Миёнмор ба таъхир гузошта мешаванд.
Моҳи сентябр толибон бо дархости ширкат дар иҷлосияи 76-уми Маҷмаи умумии СММ ба дафтари дабири кулли ин ниҳоди байналмилал нома фиристоданд.
Полномочный посол Исламской Республики Афганистан Мухаммад Захир Агбар - Sputnik Тоҷикистон, 1920, 02.12.2021
"Шикасти толибон дар арсаи байналмилалӣ” – изҳороти Зоҳир Ағбар
Вазъият дар Афғонистон моҳи июн, баробари хуруҷи нирӯҳои Амрико шиддат гирифту толибон рӯзи 15 август Ҳукумати Афғонистонро ғасб карданд.
Лентаи хабарҳо
0