Ниёзи думиллиарддолларии ЮНИСЕФ барои наҷоти кӯдакони Афғонистон

© REUTERS / Jorge SilvaДети из приюта играют во дворе после школьных занятий, Кабул
Дети из приюта играют во дворе после школьных занятий, Кабул - Sputnik Тоҷикистон, 1920, 08.12.2021
Обуна шудан
НовостиTelegram
Сандуқи ҳимоят аз кӯдакони Созмони Милал мегӯяд, барои ҷилавгирӣ аз фурӯпошии бахши беҳдоштии Афғонистон, фароҳамсозии хадамоти ҳаётӣ барои кӯдакон ва хонаводаҳои онҳо ба ду миллиард доллар ниёз аст
ДУШАНБЕ, 8 дек – Sputnik. Сандуқи ҳимоят аз кӯдакони Созмони Милали Муттаҳид (ЮНИСЕФ) гуфтааст, ки барои ҷилавгирӣ аз фурӯпошии бахши беҳдоштии Афғонистон ва фароҳамсозии хадамоти ҳаётӣ барои кӯдакон ва хонаводаҳои онҳо ду миллиард доллар лозим аст, иттилоъ додааст Sputnik Афғонистон.
Ба иттилои ин ниҳод, бо ин пул ниёзмандии фаврии беш аз 24 миллион нафар, ки нисфи он кӯдаконанд, рафъ хоҳад шуд.

"Зимистон оғоз шуд ва бидуни маблағи иловагӣ ЮНИСЕФ ва шариконаш наметавонанд ба кӯдакону оилаҳои ниёзманд кумак расонанд. Миллионҳо кӯдаки афғон дар хатари гуруснагӣ ва марг қарор доранд", - гуфт Эллис Акунга, намояндаи ЮНИСЕФ дар Афғонистон.

ЮНИСЕФ тахмин задааст, ки нисфи кӯдакони зери синни панҷ сол дар Афғонистон то соли 2022 ба далели буҳрони ғизоӣ ба гуруснагии ҷиддӣ рӯ ба рӯ мешаванд.
Школьники в Афганистане, архивное фото - Sputnik Тоҷикистон, 1920, 08.11.2021
СҶБ барои табобати 5 ҳазор кӯдак дар Афғонистон кумак фиристод
ЮНИСЕФ мегӯяд, ки ин идора дар сурати дарёфти ду миллиард доллар хадамоти ҳаётиро барои кӯдакони афғон фароҳам карда ва тадовуми ироаи хадамити асосие чун сиҳҳат ва омӯзишро барои онон тазмин хоҳад кард.
Хонум Акунга аз кишварҳои донор хоҳиш кард, ки ба дархости башардӯстонаи ЮНИСЕФ посухи мусбат диҳанд ва кӯдакони афғонистониро дастгирӣ кунанд.
"Мо бояд ҳисси муштараки башарии худро ба ёд оварда ва барои зинда нигоҳ доштани кӯдакон тағзияи дуруст, таъмини масуният ва заминаи омӯзиши онон ҳамкориро анҷом диҳем”, - қайд кард ӯ.
Лентаи хабарҳо
0