Садамаи маргбор: ронандаи масти "Мерседес" аъзои як оиларо зер кардааст

© Sputnik / Табылды КадырбековДТП, архивное фото
ДТП, архивное фото - Sputnik Тоҷикистон, 1920, 08.12.2021
Раёсати умури дохилии шаҳри Душанбе аз садамаи маргборе дар пойтахт хабар додааст, ки бар асари сархушии ронанда ва ҳаракат бо суръати баланд рух додааст
ДУШАНБЕ, 8 дек – Sputnik. Як оила бо шумули зани шавҳар ва ду фарзандашон зери чархи "Мерседес"-и таҳти идораи ронандаи маст мондаанд, хабар дод мақомоти умури дохилии Душанбе.
Ба иттилои манбаъ, ронандаи 33-солаи "Мерседес Бенс-200" дар ҳолати мастӣ, ҳангоми ҳаракат дар кӯчаи Фирдавсии шаҳри Душанбе нахуст бо қисмати қафои автомашина ба деворчаи бетонии байни роҳ бархӯрдааст.
Таъкид шудааст, ки сипас 4 пиёдагард, аъзои як оила, аз ҷумла марди 39-сола, ҳамсари 33-сола ва ду фарзанди ҳашт ва сесолаашонро зер намудаст.
Дорожный знак, архивное фото - Sputnik Тоҷикистон, 1920, 04.12.2021
Садамаи мудҳиш: Ҳалокати кӯдаки дусола зери чархи "Дулан"
Мақомот мегӯянд, мутаассифона, ҳаштуми декбар бар асари ҷароҳатҳои вазнини бардошта, падари хонадон – марди 39-сола дар беморхона ба ҳалокат расидааст.
Феълан ронанда дар ҳабси пешакӣ қарор дошта, таҳқиқи парвандаи ҷиноӣ алайҳи ӯ идома дорад.
Ин дар ҳолест, ки ба иттилои расмӣ, дар 11 моҳи соли равон чаҳор садама бо айби ронандагони маст рух додааст, ки дар натиҷа ҳафт нафар ҳалок ва ҳашт нафари дигар ҷароҳатҳои гуногун бардоштаанд.
Бар асоси моддаи 332-и Кодекси ҳуқуқвайронкунии маъмурии Тоҷикистон, барои идораи воситаи нақлиёт дар ҳолати мастӣ ҷазо дар намуди ҳабси маъмурӣ ба муҳлати 15 шабонарӯз ё ҷарима ба андозаи 300 нишондиҳанда барои ҳисобҳо, баробар ба 18 ҳазор сомонӣ бо маҳрум кардан аз ҳуқуқи идораи воситаҳои нақлиёт ба муҳлати 5 сол пешбинӣ гардидааст.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала