Парвандаи сӯхтори анбори пахта дар Мастчоҳ ба мақомот рафт: аз шарҳи сабаб то зарар

© Sputnik Сӯхторнишонҳо ва аҳолии ба кумак омада тавонистаанд қисме аз валакнаҳои пахтаро аз коми оташ наҷот диҳанд
Сӯхторнишонҳо ва аҳолии ба кумак омада тавонистаанд қисме аз  валакнаҳои пахтаро аз коми оташ наҷот диҳанд - Sputnik Тоҷикистон, 1920, 13.12.2021
Пас аз ду ҳафта аз вуқуи ҳодиса мақомоти сухторнишонӣ сабабҳои оташсӯзӣ дар анбори нигоҳдории пахта дар ноҳияи Мастчоҳро расман шарҳ доданд
ДУШАНБЕ, 13 дек - Sputnik. Неъматҷон Идизода, сардори идораи сухторнишонии ноҳияи Мастчоҳ дар суҳбат ба Sputnik Тоҷикистон сабаби сӯхтор дар анбори нигоҳдории пахтаеро, ки мансуб ба ширкати "Музаффар ва компания" аст, шарҳ дод.
Ӯ гуфт, баъди омӯзиш ва таҳқиқи комили фарзияҳо муайян шудааст, ки ин корхонаи пахта амдан оташ зада шудааст.

"Таҳқиқро мо пурра ба анҷом расонида, бар асоси моддаи 255 парванда боз шуда буд ва онро 11 декабр ба шуъбаи Вазорати корҳои дохилӣ дар ноҳияи Мастчоҳ супоридем. Гунаҳгорони қазияро мақомот мушаххас хоҳанд кард", - гуфт Идизода.

Афроде, ки бо ин модда муттаҳам мешаванд, қонунгузории кишвар ба онҳо аз 21 то 54 ҳазор сомонӣ ҷарима ва ё аз ду то панҷ соли зиндонро пешбинӣ мекунад.
Ба иттилои Идизода, зарари сӯхтор 46 миллион сомонӣ ҳисоб шудааст, ки аз он 42 миллион пахта ва 4 миллион сомонии дигар молу амвол будааст.
Қаблан гуфта мешуд, дар пайи ин оташсӯзӣ ҳудуди 700 тонна пахтаи тайёр ба коми оташ рафта, сӯхторнишонҳо тавонистаанд, ки беш аз 400 тоннаи дигарро аз коми оташ наҷод диҳанд.
Дар пайи ин ҳодиса қисми зиёди валакнаҳои пахта сӯхта сиёҳ шудаанд.   - Sputnik Тоҷикистон, 1920, 07.12.2021
Болои сӯхта намакоб ё бераҳмии сол дар Мастчоҳ: пахта сӯхту ғӯза боқӣ монд
Ёдовар мешавем, сӯхтор дар анбори нигоҳдории пахта дар ноҳияи Мастчоҳ, ки мутааллиқ ба ширкати “Музаффар компания” гуфта мешавад, соати 03:00-и шаби 24 ба 25-уми ноябр сар зад.
Хокистари сиёҳи тиллои сафед: тасовире пас аз сӯхтори корхонаи пахта дар Суғд
Барои хомӯш намудани он ба ҳисоби мошинҳои обпоши ноҳияи Мастчоҳ ҳудуди 14 мошини дигари сӯхторнишонӣ аз шаҳру навоҳии Хуҷанд, Бобоҷон Ғафуров, Бӯстон, Гулистон ва Истиқлол фиристода шуд ва баъди қариб 10-12 соат ин сӯхтор хомӯш карда шуд.
Амали амдӣ хулоса шудани оташсӯзии анбори пахтаи ноҳияи Мастчоҳ дар ҳолест, ки дар рӯзи 21-уми октябр ба коми оташ рафтани тахтабозори “Баракат”-и ноҳияи Бобоҷон Ғафуровро ҳам мақомот кори қасдан анҷомшуда эълон карда буданд.
Паёмади сӯхтори тахтабозори "Баракат" дар Суғд - акс
Дар пайи ин ҳодиса низ соҳибкорон зиёни бузурги молӣ диданд. Аммо то кунун мақомот дар бораи боз кардани парванда алайҳи омилони ин ҳодиса расман чизе нагуфтаанд.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала