Афзоиши савдои хориҷӣ: шарики асосии тиҷоратии Точикистон маълум шуд

© Sputnik / Руслан Кривобок / Гузаштан ба хазинаи аксТаможенный пункт оформления, архивное фото
Таможенный пункт оформления, архивное фото - Sputnik Тоҷикистон, 1920, 14.12.2021
Дар Тоҷикистон се шарики асосии тиҷоратии ҷумҳурӣ муайян карда шуданд, ки ҳаҷми ҳамкориҳо бо онҳо, дар маҷмуъ беш аз 2,5 миллиард долларро ташкил додааст
ДУШАНБЕ, 14 дек — Sputnik. Ҳаҷми гардиши тиҷорати хориҷии Тоҷикистон дар ёздаҳ моҳи соли ҷорӣ беш аз 5,5 миллиард долларро ташкил додааст.
Ин нишондиҳанда 33,4 фисад аз ҳамин давраи соли гузашта бештар мебошад.
Дар ҳамин ҳол бештари ҳаҷми муомилот бо Русия рост меояд.
"Русия шарики асосии тиҷоратии Тоҷикистон боқӣ мемонад. Ҳаҷми табодули коло миёни ду кишвар 1 миллиарду 130 миллион долларро ташкил додааст", — омадааст дар гузоришҳои Вазорати рушди иқтисод ва савдо.
Ҷойи дуюмро Қазоқистон ишғол мекунад - 1,04 миллиард доллар.
Баъдан Чину Швейтсария – ҳаҷми гардиши мол бо ин кишварҳо мутаносибан ба 769,9 ва 726,4 миллион доллар расидааст.
Шарикони тиҷоратии Тоҷикистон - Sputnik Тоҷикистон, 1920, 25.03.2021
Гардиши коло: Тоҷикистон бо кадом кишварҳо савдо мекунад
Афзоиши бештари муомилоти Тоҷикистон бо Чин мушоҳида мешавад, ки нисбат ба соли гузашта 1,8 баробар афзоиш ёфтааст.
Бино ба маълумоти Вазорати рушди иқтисод ва савдои кишвар, воридоти коло ба ҷумҳурӣ 3,7 миллиард долларро ташкил додааст. Ба ин тартиб Тоҷикистон дар муқоиса бо давраи мушобеҳи соли гузашта ба маблағи 898,7 миллион доллар ё 32% бештар маҳсулот ворид кардаст.
Ҳамзамон дар ин давра аз ҷумҳурӣ ба маблағи тақрибан 1,8 миллиард доллар маҳсулот содир шудааст, ки нисбат ба ҳамин давраи соли 2020 36,4 фоиз ё 481,5 миллион доллар зиёд мебошад.
Қаблан Андрей Кутепов, раиси Кумитаи сиёсати иқтисодии Шӯрои Федератсия гуфта буд, ки беш аз 80 минтақаи Русия бо Тоҷикистон ҳамкорӣ доранд.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала