Ҳушдори Русия аз муҳоҷирати садҳо ҳазор афғонистонӣ ба Аврупо

© AP / Rahmat GulАфганцы в очереди в банк в Кабуле
Афганцы в очереди в банк в Кабуле  - Sputnik Тоҷикистон, 1920, 17.12.2021
Замир Кобулов мегӯяд, ҳамин зимистон садҳо ҳазор афғонистонӣ омодаанд, ба Урупо фирор кунанд
ДУШАНБЕ, 17 дек — Sputnik. Садҳо ҳазор афғонистонӣ кӯшиш хоҳанд кард, ки ба Аврупо фирор кунанд, агар аз буҳрони иқтисодӣ ва башардӯстона ҷилавгирӣ нашавад, гуфт Замир Кобулов, фиристодаи вижаи Русия, мудири департаменти Осиё дар Вазорати умури хориҷии ин кишвар.
"Ғарб аз ҷараёни муҳоҷират метарсад. Ва мо ба онҳо мегӯем, дар натиҷаи мушкиле, ки худи шумо эҷод кардаед, вақте ҳатто сохторҳои СММ пул фиристода наметавонанд, тақрибан даҳяк аз аҳолии 23-миллионнафарии Афғонистон зимистони имсол ба Аврупо мегурезанд", - гуфт ӯ дар мусоҳиба бо РИА "Новости".
Пас аз он ки толибон Кобулро ишғол карданд, бонкҳои ғарбӣ бо дастури Амрико дороиҳои хориҷии Афғонистонро масдуд ва ин кишварро аз низоми пардохти SWIFT низ ҷудо намуданд.
Флаг ООН - Sputnik Тоҷикистон, 1920, 17.12.2021
Баъди "шикаст"- и толибон: намояндаи доимии Афғонистон дар СММ эълон шуд
"Биёед, пули афғонҳоро боз кунем. Мо бояд ҳама корро кунем, то садҳо ҳазор оилаҳои афғон ҳоҷат ба тарки кишвар надошта бошанд. Мо бояд ба онҳо кумак кунем, то онҳо кӯшиш накунанд, тавассути тамоми сарҳадҳо ба Аврупо ворид шаванд, зеро онҳо ба ҳар ҳол рахна мекунанд”, - афзуд сиёсатмадор.
Авохири тобистон, дар пасманзари хуруҷи контингенти Амрико толибон ҳокимиятро ба даст гирифта, анҷоми ҷанги бистсоларо эълон карданд. Пас аз як моҳ аз ин охирин вилояти саркаши Афғонистон, Панҷшер таҳти назорати онҳо қарор гирифт.
Талоши толибон барои ташкили ҳукумати фарогир дар Афғонистон
Рӯзҳои аввал дар Кобул ваҳму воҳима ҳукмфармо буд, мардум ба хотири тарки кишвар ба фурудгоҳ рехтанд.
Пас аз ин буҳрони башарӣ ва иқтисодӣ дар ин кишвар сар зад.
Моҳи сентябр толибон ҳукумати муваққатро таъйин карданд, ки ба он аъзои ҷунбиш ва гурӯҳҳои ҳампаймон шомил ҳастанд ва бархе аз онҳо дар феҳристи таҳримҳои СММ-ву ИМА қарор доранд.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала