Таҳқиқи ду ҳолати қаллобӣ зимни додугирифти ҷавоҳир ба маблағи қариб 700 ҳазор сомонӣ

© Sputnik / Амир ИсаевЮвелирные украшения на выставке, архивное фото
Ювелирные украшения на выставке, архивное фото - Sputnik Тоҷикистон, 1920, 17.12.2021
Обуна шудан
Вазорати умури дохилии Тоҷикистон ду ҳолати қаллобӣ зимни додугирифти ҷавоҳир дар шаҳри Душанберо таҳқиқ мекунад
ДУШАНБЕ, 17 дек — Sputnik. Мақомоти умури дохилии Тоҷикистон мегӯяд, пули ду ҳолати қаллобӣ зимни муомилоти ҷавоҳир дар пойтахт наздик ба 700 ҳазор сомониро ташкил медиҳад.
Ба иттилои ВУД, ба идораи милиса дар ноҳияи Фирдавсӣ марди 40-солаи сокини пойтахт муроҷиат намуда, арз доштааст, ки зану шавҳаре моҳи июли соли равон аз ӯ бо роҳи фиреб маҳсулоти гуногуни заргарӣ ба маблағи 600 ҳазор сомониро гирифта, то ҳол пулро барнагардондаанд.
Манбаъ афзуд, ки марди 26-сола ва ҳамсари 30-солааш ба соҳиби ҷавоҳир ба сифати гарав ҳуҷҷатҳои хонаи истиқоматии нотамомашонро гузоштаанду ваъдаашон дар бораи баргардондани маблағро то ҳол иҷро накардаанд.
Пустое кресло - Sputnik Тоҷикистон, 1920, 15.12.2021
Мансабфурӯшӣ дар пойтахт: Зани 47 - сола барои соҳиби вазифа шудан 187 ҳазор сомонӣ дод
Ҳолати дигар дар ноҳияи Сино ба қайд гирифта шудааст. Марди 42-сола ба идораи милисаи ин ноҳия муроҷиат намуда, арз доштааст, ки зани 52-сола, сокини шаҳри Душанбе аз ӯ 11 ҳазор сомонӣ ва 200 грамм ҷавоҳири гуногуни тиллоиро ба маблағи 75 ҳазор сомонӣ гирифтааст.
Таъкид шудааст, ин зан ваъда додааст, ки маблағро дар муҳлати кӯтоҳ бармегардонад, аммо то ҳол ба гуфтааш вафо накардааст.
Назари муттаҳамон дар бораи иттиҳомоти зикргардида феълан маълум нест.
Мақомоти умури дохилии Тоҷикистон мегӯянд, вобаста ба ҳолатҳои мазкур тафтишот идома дорад.
Лентаи хабарҳо
0