Додситонӣ барои муттаҳам дар даъват ба террор 12 соли зиндон талаб кард

© © ЦОС ФСБ РФ / Гузаштан ба хазинаи аксСотрудники ФСБ России, архивное фото
Сотрудники ФСБ России, архивное фото - Sputnik Тоҷикистон, 1920, 20.12.2021
Айдоркунандаи давлатӣ барои ҷавоне, ки дар даъват ба терроризм айбдор мешавад, 12 соли зиндон талаб кардааст
ДУШАНБЕ, 20 дек — Sputnik. Мақомоти тафтишотӣ мегӯянд, Юсуп Юсупов қасд доштааст, шиносҳояшро барои куштори кормандони пулис ва оташкушоӣ дар назди бинои Хадамоти федералии амният - ФСБ моил созад. Дар ин бора РИА "Новости" бо такя ба вакили дифои марди муттаҳам Михаил Невелов хабар додааст.
Манбаъ аз қавли тафтишот илова намуд, ки Юсупов ҳамчун тундгарои динӣ аз охири соли 2019 то аввали соли 2020 талош доштааст, ҳамшаҳрияш аз Доғистонро барои анҷоми амали террористӣ муътақид созад.
Дар хулосаи айбдорӣ омадааст, ки Юсупов ба шиносаш пешниҳод намудааст, ки корманди пулисро кушаду бо силоҳи гирифта аз ӯ дар пеши бинои ФСБ оташ кушояд. Ба ҳамсари шиносаш анҷоми ҳамлаи интиҳорӣ дар истгоҳи метрои "Киев"-и Маскавро пешниҳод кардааст.
Сотрудники ФСБ России - Sputnik Тоҷикистон, 1920, 17.12.2021
Боздошти донишҷӯ дар Маскав барои ҷонибдорӣ аз ДИИШ*
Таъкид шудааст, ҷавоне, ки бояд ҳамлаҳоро анҷом медод, мавҷудияти ин нақшаҳоро эътироф карда, алайҳи Юсупов шоҳидӣ додааст.
"Айбдоркунандаи давлатӣ зимни мурофиаи додгоҳӣ барои зерҳимояам 12 соли зиндони низомаш шадидро талаб кардааст", - изҳор доштааст мусоҳиби хабаргузорӣ.
Худи Юсупов иттиҳоми алайҳаш эълоншударо рад мекунад. Эълони ҳукм дар додгоҳи низомии ҳавзаи ғарбӣ рӯзи 21-уми декабр дар назар аст.
Ин дар ҳолест, ки ахиран мақомоти амниятии Русия аз боздошти як ҷавони дигар аз Осиёи Марказӣ бо иттиҳоми терроризм хабар доданд.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала