Дар Маскав гуфтанд, кай муҳоҷирон сохтмонҳоро тарк мекунанд

© Sputnik / Михаил Воскресенский / Гузаштан ба хазинаи аксСтроительство колеса обозрения "Солнце Москвы" на ВДНХ
Строительство колеса обозрения Солнце Москвы на ВДНХ - Sputnik Тоҷикистон, 1920, 20.12.2021
Дар пойтахт барномае тартиб дода мешавад, ки имкон медиҳад, аз кори хориҷиён дар сохтмонҳо даст кашида шавад
ДУШАНБЕ, 20 дек — Sputnik. Барои аз меҳнати муҳоҷирон дар сохтмонҳои Русия раҳоӣ ёфтан баҳрагирӣ аз корро зиёд кардан лозим аст, мегӯяд сардори идораи бинокории Маскав Рафиқ Загрутдинов.
Ба гуфтаи ӯ, мақомоти шаҳр лоиҳаеро таҳия мекунанд, ки дар он тадбирҳо барои боло бурдани мизони баҳрагирии кор пешбинӣ шудааст. Зикр гардид, ки тибқи нақша, ин лоиҳа дар семоҳаи аввали соли 2022 ба анҷом мерасад.

"Барои кам кардани теъдоди муҳоҷирон ҳосилнокии меҳнатро зиёд кардан лозим аст. Барномаи нав ба баланд бардоштани тахассуси кадрҳо, механиконидан аз ҳисоби захираҳои дохилӣ ва таъсиси марказҳои таълимӣ рабт дорад", - афзуд Загрутдинов.

Ҳоло дар объектҳое, ки аз ҳисоби буҷаи шаҳр сохта мешаванд, 65 ҳазор нафар кор мекунад ва бештари онҳоро муҳоҷирон ташкил медиҳанд.
Муовини раиси пойтахт Андрей Бочкарев бори нахуст дар бораи тасмими даст кашидан аз хидмати муҳоҷирон хабар дода буд.
Зимнан пешниҳоди ӯро шаҳрдори Маскав, Сергей Собянин дастгирӣ намуд. Вай дастур дод, ки теъдоди муҳоҷирон дар сохтмонҳо дар чаҳорчӯби барномаи бозсозӣ коҳиш ёбад ва ҳамчунин хостори ҷалби русҳо аз минтақаҳои дигари Русия шуд. Мири шаҳри Маскав тавсия дод, маоши кормандоне, ки аз дигар минтақаҳо меоянд, боло бурда шавад ва барои онҳо шароити хуб бояд фароҳам овард.
На стройплощадке, архивное фото - Sputnik Тоҷикистон, 1920, 20.12.2021
Боз ҷойгузин пешниҳод шуд: ба ҷои муҳоҷирон кӣ ба сохтмонҳои Русия меравад?
Мақомот борҳо роҳҳои ҳалли проблемаи нарасидани кадрҳоро баррасӣ кардаанд. Ташаббуси маъмултарин пешниҳоди иваз кардани хориҷиён бо маҳбусон буд.
Илова бар ин дар Маскав ҷойи муҳоҷиронро бо нафақахӯрону донишҷӯёни макотиби тахассусӣ пур карданиянд.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала