Мулоқоти сафири Тоҷикистон бо муовини вазири нафти Эрон

© МИД РТНизомуддин Зохиди посол РТ в Иране встретился зам министром нефти Ирана
Низомуддин Зохиди посол РТ в Иране встретился зам министром нефти Ирана  - Sputnik Тоҷикистон, 1920, 22.12.2021
Сафири Тоҷикистон дар Теҳрон дар дидор бо вазири нафти Эрон ҳамкориҳои дуҷанибаро баррасӣ кард
ДУШАНБЕ, 22 дек — Sputnik. Бинобар иттилои дафтари матбуотии Вазорати умури хориҷии Тоҷикистон, ахиран дар шаҳри Теҳрон мулоқоти Низомиддин Зоҳидӣ, сафири Тоҷикистон бо Аҳмад Асадзода, муовини вазири нафти Эрон баргузор гардид.
Тибқи иттилои манбаъ, зимни дидору гуфтугӯи онҳо масъалаҳои роҳандозии ҳамкориҳо байни ниҳодҳои марбутаи ду кишвар дар соҳоти мутақобилан судманд мавриди баррасӣ қарор гирифтанд.
Ҳаммчунин тарафҳо бар зарурати истифода аз имконот ва зарфиятҳои мавҷуда барои тавсеаи ҳамкориҳои дуҷониба таъкид карданд.
Ҳамкориҳои Тоҷикистону Эрон пас аз интихоби Cайидиброҳими Раисӣ ба унвони раисҷумҳури ҷадиди Эрону сафари ӯ ба Тоҷикистон ва дидор бо Эмомалӣ Раҳмон, раисҷумҳури Тоҷикистон рӯ ба густариш ниҳодаанд.
Муовини вазири корҳои хориҷии Тоҷикистон Шараф Шерализода бо сафири Эрон дар Тоҷикистон Муҳаммадтақӣ Собирӣ - Sputnik Тоҷикистон, 1920, 09.11.2021
Тоҷикистон ба сармоягузории Эрон ҳавасманд аст
Бояд қайд кард, ки муносибатҳои дипломатӣ байни Ҷумҳурии Тоҷикистон ва Эрон нуҳуми январи соли 1992 барқарор шуданд.
Сафорати Эрон моҳи январи соли 1992 дар Душанбе ба фаъолият шуруъ намуд.
Сафорати Тоҷикистон дар Теҳрон моҳи июли 1995 ифтитоҳ гардид.
Байни ду кишвар зиёда аз 160 созишномаю тафоҳумнома ва дигар санадҳои ҳамкорӣ ба имзо расидаанд.
Дар ҳамкории иқтисодӣ миёни ду кишвар Комиссияи ҳамкориҳои тиҷоратӣ, иқтисодӣ, техникӣ ва фарҳангии Тоҷикистону Эрон нақши муҳим дорад ва то имрӯз 12 нишасти комиссия дар Душанбе ва Теҳрон баргузор шудааст.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала