Патент ду баробар бештар дода шуд: шарҳи вазъи муҳоҷират дар Русия

© Sputnik / Кирилл Брага / Гузаштан ба хазинаи аксЦентр содействия мигрантам в Волгограде
Центр содействия мигрантам в Волгограде - Sputnik Тоҷикистон, 1920, 22.12.2021
Вазорати умури дохилии Русия охирин омори марбути муҳоҷират дар кишварро нашр намуд
ДУШАНБЕ, 22 дек — Sputnik. Мақомоти умури дохилӣ мегӯянд, дар моҳҳои январ-ноябри соли равон теъдоди хориҷиёне, ки аз қайди муҳоҷиратӣ гузаштаанд, дар муқоиса бо ҳамин давраи соли гузашта 30 дарсад бештар аст.
Ба иттилои манбаъ, соли гузашта нуҳ миллион ҳолати қайди муҳоҷиратӣ ҷой дошт, ки соли равон он то ба 12 миллион маврид расидааст.
ВУД афзуд, дар соли 2020 шаҳрвандони хориҷӣ каме бештар аз як миллион патент гирифта буданд, ки ин нишондод соли равон аз ҳадди 2 миллион адад гузаштааст.
Посетитель в многофункциональном миграционном центре Москвы близ деревни Сахаров - Sputnik Тоҷикистон, 1920, 22.12.2021
Сабаби ҷорӣ шудани патенти нав барои муҳоҷирон дар Русия маълум шуд
Теъдоди онҳое, ки ба шаҳрвандии Русия дар 11 моҳи соли равон қабул шудаанд, 667 ҳазору 939 нафарро ташкил медиҳад, ки шумораашон дар даври мушобеҳи соли гузашта ба 563 ҳазору 342 нафар мерасид.
Ин дар ҳолест, ки ахиран мақомоти умури дохилии Русия навъи нави патентро тасдиқ кардаанд, ки ҳомили иттилои электронӣ дар мавриди соҳибаш мебошад.
Шакли нави патент аз 29 декабри соли равон ба муҳоҷирони меҳнатӣ дода хоҳад шуд.
Мақомоти умури дохилӣ мегӯянд, дар патентҳои нав микросхемае насб хоҳад шуд, ки тамоми иттилоотро дар мавриди соҳиби санад фаро мегирад. Аз ҷумла ному насаб, маълумоти инфиродии биологӣ, акси электронӣ, изи ангушт ва дигар иттилоотро шомил мешавад.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала