Қодиров Туркияро дар пуштибонӣ аз террористҳо муттаҳам кард

© Sputnik / Саид Царнаев / Гузариш ба медиабонкГлава Чеченской Республики Рамзан Кадыров
Глава Чеченской Республики Рамзан Кадыров - Sputnik Тоҷикистон, 1920, 22.12.2021
Обуна шудан
Қодиров мақомоти Туркияро дар пуштибонӣ аз террористҳое, ки дар Русия ҷиноят содир кардаанд, муттаҳам кард
ДУШАНБЕ, 22 дек — Sputnik. Рамзан Қодиров, раисҷумҳури Чеченистон мақомоти Туркияро дар пуштибонӣ аз террористҳое, ки дар Русия ҷиноят содир кардаанд, муттаҳам кард ва аз Вазорати хориҷа хост, алайҳи Анкара чораҳои дипломатӣ андешад, хабар медиҳад РИА "Новости".

"Онҳо дар Туркия худро чунон осуда эҳсос мекунанд, ки дар суханрониҳои иғвоангезонаи худ зидди Русия, ҳатто нисбати занон беодобӣ зоҳир мекунанд", — навиштааст Қодиров дар канали "Telegram"-и худ.

Вай инчунин аз президенти Туркия Тайиб Эрдуғон талаб кард, ки тасмим бигирад: ё Анкара мақоми давлатеро мегирад, ки ошкоро террористҳоро дастгирӣ мекунад ё ҷонибдори равобити шаффофу пок бо Маскав, бидуни тағйир додани мавқеи худ боқӣ мемонад.
Глава Чечни Рамзан Кадыров - Sputnik Тоҷикистон, 1920, 03.09.2021
Қодиров мегӯяд, Чеченистон ҳеч гоҳ мустақилу давлати алоҳида набуд
Сиёсатмадор қайд кард, дар ҳоле ки "бандитҳо ва авбошони дар пайгард" дар Туркия паноҳ меёбанд, дар ҳоле ки онҳо ошкоро "ҷамъомаду чорабиниҳо ташкил мекунанд, то боғҳоро ба номи террористон иваз кунанд", Чеченистон посух додан ба ин ҳамаро ҳаққи худ медонад.

"Масалан, дар ин маврид дар Грозний абадӣ гардонидани номи асосгузори Ҳизби коргари Курдистон Абдуллоҳ Оҷалон, ки дар яке аз зиндонҳои Туркия адои ҷазо мекунад, аз ҷониби мо комилан мантиқӣ ва сиёсӣ аст", - гуфт раҳбари Чеченистон.

Ба гуфтаи Қодиров, Вазорати корҳои хориҷии Русия бояд фаъол бошад ва алайҳи Анкара таҳримоти дипломатӣ ҷорӣ кунад, зеро амалҳои раҳбарияти Туркия мустақиман ба равобити ду кишвар таъсири манфӣ мерасонад.
Лентаи хабарҳо
0