"Инсонҳоро куштанду сӯзонданд": ёдоварӣ аз табаддулоти Украина

© Sputnik / Сергей Гунеев / Гузаштан ба хазинаи аксЕжегодная пресс-конференция президента России Владимира Путина
Ежегодная пресс-конференция президента России Владимира Путина - Sputnik Тоҷикистон, 1920, 23.12.2021
Президенти Русия Владимир Путин аз сиёсатмадорони ғарбӣ дар зимни тамаркуз ба мавзуи табаддулоти давлатӣ дар Украина интиқод кард
ДУШАНБЕ, 23 дек — Sputnik. Соли 2014 дар Украина табаддулоти хунини давлатӣ сурат гирифт, гуфт Владимир Путин зимни нишасти хабарии бузургаш дар қасри "Манеж".

"Дар он ҷо одамонро сӯзонданду куштанд. Ҳоло ман намегӯям, кӣ ҳақ аст ва кӣ ноҳақ", - гуфт раҳбари Русия.

Путин ёдовар шуд, Виктор Янукович, раисҷумҳури вақти Украина ба ҳама шартҳо розӣ буд. "Се вазир, вазирони корҳои хориҷии Лаҳистон, Олмон ва Фаронса кафолати рушди осоиштаи вазъро доданд. Он вақт ман бо ташаббуси ӯ бо президенти ИМА суҳбат кардам. Ӯ аз ман ҳам хоҳиш кард, ки ин равандро дастгирӣ кунам. Ҳама розӣ шуданд. Пас аз як-ду рӯз табаддулот сурат гирифт. Чаро? Ҷавоб нест", - гуфт Путин.
Ёдовар мешавем, моҳи ноябри соли 2013 Ҳукумати Украина раванди имзои созишномаи ташкили анҷумане барои ҳамкориҳои миёни Киеву Брюсселро ба таъхир андохт, ки ин иқдом боиси буҳрони шадиди сиёсӣ ва эътирози густурда дар ин кишвар шуд.
Солдат армии США - Sputnik Тоҷикистон, 1920, 21.10.2021
"Дунё меларзад": Агар Украина ба НАТО шомил шавад, чӣ иттифоқ меафтад?
16 январи соли 2014 аз ҷониби Радаи болоӣ қабули бастаи қонунҳо дар бораи сахттар кардани муҷозот барои ширкат дар тазоҳуроти беиҷоза боиси муқовимати шадиди хушунатбор гардид. Баъдтар ин қонунҳо бекор карда шуданд.
Аз 18 феврали ҳамон сол то инҷониб вазъ якбора бад шуда, маркази Киев шоҳиди хунрезии шуд.
Шуруи хушунату хунрезӣ дар маркази Киев боиси фирори густардаи вакилон ва барканории иҷбории Виктор Янукович аз қудрат шуд. Илова бар ин пас аз ин ҳама сокинони Қрим тасмим гирифтанд, ки сарзаминашон ба Русия пайвандад.

Нишасти бузурги матбуотии Путин

Раисиҷумҳури Русия Владимир Путин 23 декабр дар толори намоишгоҳи марказии “Манеж” нишасти хабарӣ баргузор кард.
Дар он 507 нафар журналист иштирок карданд, ки мавзуъҳои асосии нишасти матбуотӣ натиҷаҳои иқтисодии соли 2021, пандемияи коронавирус, ҷорӣ кардани QR-код ва ваксинаҳоро шомил мешуданд.
Сарвари Русия бори нахуст дар соли 2001 ба суолҳои рӯзноманигорон дар ин шакл посух дода буд. Мулоқот 1 соату 35 дақиқа идома дошт ва дар ин муддат раисҷумҳури Русия 22 мавзуъро шарҳ дод.
Тӯлонитарин нишасти матбуотӣ нишасти ҳафтуми ӯ маҳсуб мешавад, ки соли 2008 баргузор шуда буд. Раисҷумҳур дар ин нишаст тӯли 4 соату 40 дақиқа ба 106 суол посух дод.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала