Худӣ: маълум шуд Тоҷикистон чӣ қадар маҳсулоти нафтӣ истеҳсол кардааст

© Sputnik / Максим Богодвид / Гузаштан ба хазинаи аксРабота нефтяных станков - качалок
Работа нефтяных станков - качалок - Sputnik Тоҷикистон, 1920, 25.12.2021
Тоҷикистон дар соли ҷорӣ бештар аз ним миллион тонна маҳсулоти нафтӣ ворид кардааст
ДУШАНБЕ, 25 дек — Sputnik. Дар 11 моҳи соли ҷорӣ дар Тоҷикистон беш аз 22,5 ҳазор тонна маҳсулоти нафтӣ тавлид шудааст. Ин ҳаҷм дар баробари ҳаҷми воридоти маҳсулоти нафтӣ ба кишвар ночиз арзёбӣ мешавад.
Ба иттилои Вазорати энергетика ва захираҳои оби Тоҷикистон, дар 11 моҳи соли ҷорӣ дар кишвар бештар аз 22,5 ҳазор тонна нафт истихроҷ шудааст, хабар медиҳад "Авеста".
Ба иттилои манбаъ, дар ин муддат дар кишвар 411,9 тонна бензин тавлид шудааст.
Работа АЗС - Sputnik Тоҷикистон, 1920, 20.12.2021
Дар Суғд бензину сӯзишвории дизелӣ арзонтар мешавад: гази моеъ чӣ?
Зимнан дар 11 моҳи соли ҷорӣ ба Тоҷикистон ҳудуди 554 ҳазор тонна маҳсулоти нафтӣ ворид шудааст, ки нисбат ба як соли қабл 2,4% бештар аст.
Дар умум давоми 11 моҳ ба кишвар беш аз 553 ҳазору 937,2 тонна маҳсулоти нафтӣ ба маблағи умумии беш аз 360,4 миллион доллар ворид шудааст.
Русия таъминкунандаи асосии маҳсулоти нафтӣ боқӣ мемонад. Ҳамчунин аз Қазоқистон ва кишварҳои дигар ба Тоҷикистон маҳсулоти нафтӣ ворид мешуд.
Тоҷикистон асосан маҳсулоти нафтиро ба далели тавлиди ночиз дар дохили кишвар ворид мекунад.
Дар ҳамин ҳол дар Тоҷикистон қимати маводи сӯхт дар як соли ахир ба болотарин ҳадди ниҳоияш расида, тамоми рекордҳоро шикаст.
Автобусы в городе Худжанд - Sputnik Тоҷикистон, 1920, 20.12.2021
Дар Хуҷанд ҳаракати автобусҳо барқарор шуд
Арзиши маҳсулоти нафтию газ дигар дар кишвар майли коҳишёбӣ надорад. Дар пайи болоравии нархи он қимати маводи ғизоӣ ва хидматрасониҳо низ боло рафт.
Ҳоло дар кишвар арзиши бензини АИ-92 10,40 сомонӣ (0,92 доллар), солярка 10,50-10,70 сомонӣ (0,93-0,94 доллар) ва гази моеъ бошад, 7,4 сомониро ташкил медиҳад.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала