Боздошти корманди ҳукумати Мастчоҳ бо иттиҳоми қаллобӣ: ваъдаи кумак бар ивази пул

© Sputnik Таджикские сомони в кошельке
Таджикские сомони в кошельке - Sputnik Тоҷикистон, 1920, 27.12.2021
Боздоштшуда барои кумак ба як корафтода пул талаб кардааст
ДУШАНБЕ, 27 дек – Sputnik. Оҷонсии зидди фасод дар Тоҷикистон як корманди ҳукумати Мастчоҳ бо иттиҳоми қаллобӣ боздошт шудааст
Ба иттилои манбаъ, бо Г.Ш.С. дар асоси фармоиши раиси ноҳияи Мастчоҳ дар вазифаи сармутахассис-котиби комиссия оид ба ҳуқуқи кӯдаки Мақомоти иҷроияи маҳаллии ҳокимияти давлатии ноҳияи Мастчоҳ кор карда, дар давраи фаъолияти кориаш даст ба ҷиноятӣ қаллобӣ зад.
Гуфта мешавад, боздоштшуда бо роҳи фиреб ва сӯиистифодаи боварӣ шаҳрванд “А” -ро бовар кунонид, ки бар ивази маблағи 10 000 сомонӣ тавассути судяи Суди ноҳияи Мастчоҳ, барои ба манфиати ӯ қабул намудани санади судӣ оид ба фарзандхонии ноболиғ шаҳрванд “Б” мусоидат карда метавонад.
Военный билет. Архивное фото - Sputnik Тоҷикистон, 1920, 20.12.2021
Талаби 10 000 сомонӣ барои озодӣ аз сарбозӣ: боздошти кормандони комиссариати ҳарбӣ
"Ҳамин тариқ бо роҳи фиреб аз шаҳрванд “А” маблағи 10 000 сомониро тасарруф намуда, ба манфиати охирон ягон амалро иҷро накард", - афзудааст манбаъ.
Ожонсии зидди фасод мегӯяд, дар ин асос нисбат ба Г.Ш.С. бо моддаи 247 қисми 2 бандҳои "в,г" КҶ Ҷумҳурии Тоҷикистон парвандаи ҷиноятӣ оғоз карда шуда, пас аз анҷоми тафтиши пешакӣ бо тасдиқи фикри айбдоркунӣ ба суд ирсол карда шуд.
Дар сурати тасдиқи ин иттиҳом ба боздоштшудаҳо ҷарима ба андозаи аз 21 то 54 ҳазор сомонӣ ё аз ду то панҷ соли зиндон таҳдид мекунад.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала