Путин гуфт, "Спутник V" алайҳи омикрон низ самар медиҳад

© GRIGORY DUKORВладимир Путин
Владимир Путин - Sputnik Тоҷикистон, 1920, 28.12.2021
Владимир Путин, раисҷумҳури Русия бар самари ваксинаи "Спутник V" алайҳи штамми нави коронавирус омикрон таъкид намуд
ДУШАНБЕ, 28 дек — Sputnik. Раисҷумҳури Русия мегӯяд, бо роҳбарияти Маркази миллии таҳқиқотии эпидемиология ва микробиологияи ба номи Гамалея дар мавриди муассирии ваксинаи "Спутник V" суҳбат дошт.
Владимир Путин дар мулоқоти ғайрирасмии роҳбарони кишварҳои узви ИДМ дар шаҳри Санкт-Петербург гуфт, сатҳи ҳимояи ваксинаи "Спутник V" аз штамми нави коронавирус баланд мебошад.

"Бо роҳбари пажуҳишгоҳи ба номи Гамалея суҳбат доштам, онҳо таҳқиқот гузарондаанд, "Спутник V" дақиқан навъи нав - омикронро нобуд мекунад. Гуфтанд, танҳо клиника метавонад посухи ниҳоӣ диҳад, ки дараҷаи муассирӣ то кадом сатҳ аст", - изҳор дошт Путин.

Раисҷумҳури Русия тавзеҳ дод, ки омӯзиш дар пажуҳишгоҳ таъсири хуби он алайҳи омикронро нишон додааст ва аллакай ба омӯзиши клиникӣ оғоз намудаанд, то мушахассан дараҷаи ҳимоя дақиқ гардад.
Анна Попова, сардухтури санитарии Русия, роҳбари "Роспотребнадзор" дар мулоқоти ғайрирасмии роҳбарони кишварҳои ИДМ дар Санкт-Петербург дар бораи вазъи эпидемиологӣ гузориш дод, ки изҳороти Путинро тасдиқ намуд.
 Главный санитарный врач России Анна Попова  - Sputnik Тоҷикистон, 1920, 28.12.2021
Попова гуфт, ки барои муайян кардани коронавирус дар Тоҷикистон чӣ кумак кард
Ба гуфтаи Попова, таҳқиқоти маркази "Вектор" низ тақвияти иммунитет аз ваксина алайҳи омикронро нишон додааст. Ӯ афзуд, ки сатҳи ҳимоя хеле баланд мебошад.
Раисҷумҳури Русия самаранокии ваксинаи "Спутник V"-ро ҳудуди 90 дарсад гуфта, таъкид намуд, ки дар кишвар иммунитети оммавӣ бояд ба зиёда аз 90 фоиз расонда шавад. Феълан сатҳи иммунитети оммавӣ ба шумули афроде, ки бемориро паси сар кардаанду онҳое, ки ваксина гирифтаанд, дар Русия ба 56 дарсад мерасад.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала