Туҳфаи табиат: тоҷикистониёнро дар охирин рӯзҳои сол чӣ гуна ҳаво интизор аст?

© Sputnik / Амир ИсаевЛыжный сезон в Сафед-Даре
Лыжный сезон в Сафед-Даре - Sputnik Тоҷикистон, 1920, 28.12.2021
Обуна шудан
Гармии рекордӣ дар ҷануби ҷумҳурӣ бо вазиши бод дар шимол ва сардиҳои анъанавӣ дар шарқи кишвар мутазод аст
ДУШАНБЕ, 28 дек — Sputnik. Ҳафтаи равон ҳавои Тоҷикистон сокинони қариб тамоми манотиқи кишварро ба ҳайрат меорад, хабар медиҳад Оҷонси ҳавосанҷии кишвар.
Дар шаҳри Душанбе то 31 декабр ҳаво гарму офтобӣ, гоҳе нимаабрист ва бидуни боришоти зиёд пешбинӣ мешавад. Ҳаво шабона то 6 дараҷа сард ва рӯзона дар аввали ҳафта 8 дараҷа гарм ва рӯзи ҷумъаи 31 декабр бошад, то 14 дараҷа гарм мешавад.
Аммо сар аз рӯзҳои 1 ва 2 январ дар пойтахт аввал борон меборад ва баъдан барф меборад ва ҳарорати рӯзона чанд дараҷа поин хоҳад рафт.
Сокинони навоҳии тобеи ҷумҳуриро низ ҳамин гуна ҳаво интизор аст, дар давоми ҳафта гоҳ-гоҳ дар ноҳияҳои кӯҳӣ туман мефарояд.
Ҳаво дар вилояти Суғд, қисмати шимолии кишвар комилан дигар мешавад. Дар ин минтақа тамоми ҳафта асосан шамол мевазад, вазиши он то 20 метр дар як сония мерасад. Аммо то охири ҳафта боришот дар назар нест.
Проезд через засыпную снегом дорогу, архивное фото - Sputnik Тоҷикистон, 1920, 27.12.2021
Ҳушдори КҲФ аз тармафароӣ дар Тоҷикистон
Ҳаво дар Хуҷанд ва водиҳо ва куҳҳо шабона то 2 дараҷа хунук, рӯзона 8-10 дараҷа гарм мешавад.
Дар Вилояти Мухтори Кӯҳистони Бадахшон бориши барф аз 31 декабр оғоз шуда, чанд рӯз то ҳафтаи оянда идома хоҳад кард.
Ҳаво дар ғарб шабона 2-8 дараҷа хунук ва рӯзона 1-8 дараҷа гарм мешавад. Аммо дар шарқи ВАБК шабона то 21 дараҷа, дар баъзе ҷойҳо то 29 дараҷа ва рӯзона 9-16 дараҷа сард мешавад.
Дар ҷануби кишвар, вилояти Хатлон, то фарорасии соли нави милодӣ ҳарорати ҳаво то 16 дараҷа гам мешавад. Рӯзҳои шанбе ва якшанбе борон меборад ва рӯзона тақрибан то се дараҷа гам мешавад. Шабона бошад, аз 1 дараҷа сард то 4 дараҷа гарм мешавад.
Лентаи хабарҳо
0