Пайвастани Нуриддин Давронов ба дастаи “Персита” ва гузариши Нозим Бобоҷонов ба “Ал-Аҳлӣ”

© ФФТПолузащитник национальной сборной Таджикистана Нуриддин Давронов
Полузащитник национальной сборной Таджикистана Нуриддин Давронов - Sputnik Тоҷикистон, 1920, 29.12.2021
Ду футболбози шинохтаи тоҷик Нуриддин Давронов ва Нозим Бобоҷонов барои худ дастаҳои нав пайдо карданд. Ин ду бозигари футболи тоҷик бо дастаҳои футболи “Персита”-и Индонезия “Ал-аҳлӣ”-и Баҳрайн шартнома имзо карданд
ДУШАНБЕ, 29 дек — Sputnik. Шартнома миёни футболбози 30-солаи тоҷик ва ин даста то 30 майи соли 2022 ба имзо расидааст, иттилоъ додааст Федератсияи футболи Тоҷикистон.
Тибқи иттилои манбаъ, акнун Нуриддин Давронов ба дастаи футболи “Персита”-и Индонезия пайваст.
Нуриддин Давронов қабл аз ин бо дастаи дигари Индонезия “Борнео” шартномаи яксола дошт. Қарордоди футболбози тоҷик бо дастаи футболи “Борнео” чанд рӯз пеш ба охир расид.
Ёдовар мешавем, ки дастаи футболи “Борнео”-и Индонезия пас аз бекор кардани шартнома бо Нуриддин Давронов расман бо футболбози ҷопонӣ Кей шартномаи нав имзо кард. Акнун Кей Нуриддин Давроновро дар ин тим иваз кард.
Женский футбол, архивное фото - Sputnik Тоҷикистон, 1920, 10.12.2021
Сабукӣ барои ҷалби бозигарону мураббиён аз хориҷ ва рушди футбол дар Тоҷикистон
Ҳамзамон, тибқи иттилои Федератсияи футболи Тоҷикистон, нимҳимоятгари дастаи футболи “Хуҷанд”-и шаҳри Хуҷанд Нозим Бобоҷонов ба дастаи “Ал-аҳлӣ”-и Баҳрайн қарордод имзо кард.
Дастаи футболи “Ал-аҳлӣ” дар Премйер Лигаи Баҳрайн баромад мекунад. Дастаи футболи “Ал-аҳлӣ”-и Баҳрайн баъди ҳафт даври рақобатҳо дар зинаи охири ҷадвал бо чаҳор имтиёз мавқеъ гирифтааст.
Нозим Бобоҷонов дар ҳайати дастаи футболи ”Хуҷанд”-и шаҳри барандаи медалҳои нуқраи Лигаи олӣ ва барандаи Ҷоми Тоҷикистон дар соли 2021 гардидааст.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала