Лавров: Толибон ба ваъдаҳояшон амал кунанд ба расмият шинохта мешаванд

© Sputnik / Сергей Гунеев / Гузаштан ба хазинаи аксМинистр иностранных дел РФ Сергей Лавров
Министр иностранных дел РФ Сергей Лавров - Sputnik Тоҷикистон, 1920, 31.12.2021
Вазири хориҷаи Русия дар хусуси ба расмият шинохтани ҳукумати толибон дар Афғонистон ба саволи хабарнигор посух дод ва гуфт, ки ин кор бастагӣ ба пойбанди онҳо ба ваъдаҳояшон дорад
ДУШАНБЕ, 31 дек — Sputnik. Сергей Лавров, вазири хориҷаи Русия дар посух ба суоли як хабарнигор дар хусуси ин ки оё Маскав толибҳоро ба расмят мешиносад, гуфт, ба расмиятшинохтани толибон ба ин бастагӣ дорад, ки чигуна ба ваъдаҳои худ амал мекунанд, аз ҷумла мубориза бо хатароте, ки аз қаламравашон сарчашма мегирад.
"Ҳанӯз тасмим гирифтан дар бораи ба расмият шинохтани толибон барвақт аст. Бояд наззорагари рӯйдодҳои Афғонистон бошем, ки чигуна тавсеа меёбанд, ё беҳтар аст бигуем замоне, ки толибон ба ваъдаҳояшон амал кунанд, аз ҷумла дар мавриди ташкили як давлати фарогир ва муқобила муассир бо таҳдидоти террористӣ ва маводи мухаддир аз хоки Афғонистон", - гуфт Лавров.
Брифинг официального представителя МИД России М. Захаровой - Sputnik Тоҷикистон, 1920, 31.12.2021
Толибон Русияро дар ҷараён нагузошта сафир таъйин намудааст
Вазири хориҷаи Русия дар посух ба ин суол, ки оё Маскав аввалин шуда толибонро ба расмият мешиносад, гуфт: "Дар ин замина мо бо ҳамбастагӣ бо соири кишварҳои ҷомеаи ҷаҳонӣ хоҳем буд, ки ба тадриҷ ба самти ҳифзи толибон аз таҳримҳои Шӯрои амният СММ, ки заминаи шинохти расмии давлати Афғонистонро шакл медиҳад, ҳаракат хоҳем кард”.
Ёдовар мешавем, ки Забеҳулло Муҷоҳид, сухангӯи толибон ахиран гуфта буд, ин гурӯҳ қасд дорад сафири ҷадиди Афғонистон дар Русияро таъйин кунанд ва умедвор аст, ки Русия давлати ҷадиди толибонро ба расмият бишносад.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала