Муҳлати бақайдгирии симкортҳо ба поён мерасад: қатъ мекунанд ё тамдид?

© Pixabay/PexelsМобильный телефон
Мобильный телефон  - Sputnik Тоҷикистон, 1920, 31.12.2021
Хадамоти алоқаи Тоҷикистон дар бораи ба охир расидани муҳлати сабти дубораи симкортҳои мобилии шаҳрвандон дар моҳи оғози соли 2022 хабар додааст
ДУШАНБЕ, 31 дек – Sputnik. Бино ба эълоне, ки шабакаҳои телевизионии Тоҷикистон дар остонаи соли нави мелодӣ пахш намудаанд, муҳлати сабти симкортҳо бо шиносномаҳои намунаи нав то 15 феврали соли 2022 ба анҷом мерасад.
Эҳтимол баъд аз ин сана симкортҳое, ки азнавбақайдгирӣ нагузаштаанд корашон қатъ хоҳад шуд. Ин дар ҳолест, ки чанде пеш ин ниҳод дар бораи беш аз 2, 4 миллион симкорти муштариён гуфта буд, ки то ҳол дубора сабти ном нашудаанд.
Хадамоти алоқаи Тоҷикистон бо нашри ин эълон аз тариқи расонаҳои давлатӣ аз шаҳрвандоне, ки симкортҳои мобилиашон бо шиносномаи намунаи соли 1996 ба қайд гирифта шудаанд, барои идомаи фаъолбудани рақамашон тақозо намудааст, ки то санаи 15 - феврали соли 2022 барои иваз намудани шиносномаи худ ба шуъбаҳои шиносномадиҳии шуъбаҳои Вазорати корҳои дохилӣ дар шаҳру ноҳияҳои ҷумҳурӣ муроҷиат намоянд.
Девушка в защитной маске идет по улице - Sputnik Тоҷикистон, 1920, 21.12.2021
Президент: пул надорем мегӯеду ба арзиши 3 миллиард сомонӣ гап задаед
Ин ниҳод ҳуҷҷатҳои лозим барои иваз намудани шиносномаи навро шарҳ додааст, ки аз ҷумла аз шиносномаи намунаи соли 1996, рақами мушаххаси андозсупоранда (РМА), расид (квитансия) ба андозаи 10 доллари амрикоӣ бо асъорӣ миллӣ ва як дона сурати сиёҳу сафед ба андозаи 3,5 ва 4,5 мм иборат мебошад.
Ҳукумати Тоҷикистон ахиран дар моҳи февраи соли 2019 қарореро содир намуд, ки тибқи он фурӯш ва азнавбақайдгирии симкортҳо дар Ҷумҳурии Тоҷикистон дар асоси шиносномаи шаҳрванди Ҷумҳурии Тоҷикистон намунаи соли 2014 анҷом дода мешавад.
Аз замони судури ин қарор ба номи як шахс барасмият даровардани на зиёда аз ду симкорт дар ҳамаи операторони хизмати алоқаи мобилӣ иҷоза дода мешавад.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала