Боздошти ронандае, ки субҳи соли нав пирамарди 74-соларо пахш карду фирор намуд

Задержание, наручники - Sputnik Тоҷикистон, 1920, 02.01.2022
Обуна шудан
Yandex newsTelegram
Дар ҳоли ҳозир алайҳи ронандаи фирорӣ парвандаи ҷиноӣ оғоз гардида, тафтишот идома дорад
ДУШАНБЕ, 2 янв — Sputnik. Раёсати Вазорати корҳои дохилии Тоҷикистон мардеро боздошт кардааст, ки субҳи Соли нав як роҳгузари солхӯрдаро пахш намудаву фирор кардааст.
Мақомот ронандаро дар пайи навори ирсолкардаи шоҳидони ҳодиса боздошт кардаанд.
Навори аз ҷойи ҳодиса фирор кардани ронандаи автомашинаи рақами қайди давлатиаш 5812FF01 субҳи 1 январи соли 2022 дар шабакаҳои иҷтимоӣ нашр гардида, мавриди вокуниши васеи корбарон қарор гирифт.
Тавре аз навор бармеояд, ронандаи автомашина баъди задани марди пиёдагард, ба ҷои кӯмак расонидан ва даъват намудани Ёрии таъҷилӣ, аз ҷои ҳодиса фирор намудааст, ки бар асари зарба дар ҷои ҳодиса як ҷуфти рақами қайди давлатияш меафтад.
Такси, архивное фото - Sputnik Тоҷикистон, 1920, 29.11.2021
Ҳабси ронандаи мусофирбар дар Душанбе барои зер кардани мард дар роҳи пиёдагузар
Гуфта мешавад, ҳодиса субҳи аввали соли нав тахминан соати 04.10 дақиқаи сар задааст.
Ба иттилои манбаъ, ронандаи автомашинаи тамғаи "Тайота Каролла" сокини 23- солаи ноҳияи Рӯдакӣ Қ.Х.Л. мебошад, ки ҳангоми ҳаркат тавассути кӯчаи Неъмат Қарабоеви шаҳри Душанбе, аз уҳдаи идораи автомашина набаромада, пиёдагард- пирамарди 74 соларо зада аз пой афтонда, аз ҷои ҳодиса ғайб задааст.
"Дар натиҷа пиёдагарди пиронсол аз зарби автомашина ҷароҳати дар намуди шикасти пой бардошта, аз ҷониби роҳгузарон ба Беморхона дастрас карда шуда, таҳти назорати духтурон қарор дорад", - афзудааст манбаъ.
Дар робита ба ин ҳодиса, нисбати ронандаи фирорӣ тибқи талаботи моддаи 212 Кодекси ҷиноятии Ҷумуҳрии Тоҷикистон парвандаи ҷиноятӣ оғоз намудан маводҳои аввалиндараҷа тартиб дода шуда, санҷиши ҳодиса идома дорад.
Ин банди қонун, ҷарима ба андозаи 32 ҳазор сомонӣ ва ё маҳдуд кардани озодӣ ба мӯҳлати то се сол ё маҳрум сохтан аз озодӣ ба мӯҳлати то ду солро пешбинӣ мекунад.
Лентаи хабарҳо
0