Бонки қазоқӣ корашро дар Тоҷикистон мутаваққиф кард

© Sputnik / Владислав ВодневHalyk Bank
Halyk Bank - Sputnik Тоҷикистон, 1920, 06.01.2022
Обуна шудан
Halyk Bank дар Тоҷикистон, ки зерсохтори Бонки мардумии Қазоқистон мебошад, хизматрасониҳояшро мутаваққиф кардаст
ДУШАНБЕ, 6 янв — Sputnik. Halyk Bank дар Тоҷикистон халалдор шудани корашро ба нуқсонҳои техникӣ рабт дод, ки дар пайи нооромиҳои рӯзҳои охир дар Қазоқистон пайдо шудаанд.
"Бо сабабҳои ихтилоли шабакаҳои алоқаи провайдер дар Қазоқистон нуқсонҳои техникӣ ба амал омадаанд", - изҳор дошт Halyk Bank ва таъкид намудаст, ки ин ба фаъолияти бонк таъсир кард.
Halyk Bank афзуд, бо бартараф намудани нуқсонҳои техникӣ ва барқарор намудани фаъолияти пурраи хизматрасониҳо муштариёнро огоҳ хоҳад кард.
Ин дар ҳолест, ки Бонки миллии Қазоқистон низ эълон кард, ки ба далели ҳолати фавқулодда ва қатъи интернету дигар масоили амниятӣ фаъолияти бонкҳоро мутаваққиф мекунад.
Правоохранители во время протестов в Казахстане   - Sputnik Тоҷикистон, 1920, 06.01.2022
Тоҷикистон гуфт, дар амалиёти сулҳофарӣ дар Қазоқистон иштирок мекунад: изҳороти Душанбе
Halyk Bank дар Тоҷикистон, зертобеи Бонки мардумии Қазоқистон мебошад, ки қаблан аз тасмимаш барои қатъи фаъолият хабар дода буд.
Аз ҷумла тобистони соли гузашта хабар дода шуд, ки гуруҳи Halyk аз натиҷаи таҳлилҳо ба хулосае омад, ки Тоҷикистонро тарк кунаду ба фаъолиятҳои дигари ояндадор тамаркуз намояд. Аммо баъдан боз эълон шуд, ки ин бонк роҳҳои идомаи фаъолияташ дар Тоҷикистонро меҷӯяду қарори рафтан аз бозорро лағв кардаст. Мақомоти Тоҷикистон аз тасмими ин бонк барои идомаи фаъолият дар Тоҷикистон истиқбол карда буданд.
Дар маълумотномаи марбути Бонки мардумии Қазоқистон омадааст, ки он аз гуруҳҳои пешсафи молиявии ин кишвар буда, дар давлатҳои дигари ИДМ – Гурҷистон, Қирғизистон, Қазоқистон ва Русия низ фаъолият мекунад.
Лентаи хабарҳо
0