Қазоқистон дар ҳолати омодабош: эълони хатари дараҷаи сурх

© Пресс-служба Минобороны РФ / Гузаштан ба хазинаи аксОтправка российской части миротворческого контингента в Казахстан
Отправка российской части миротворческого контингента в Казахстан - Sputnik Тоҷикистон, 1920, 07.01.2022
Обуна шудан
Yandex newsTelegram
Барои ба эътидол овардани вазъ, дар саросари Қазоқистон, низоми махсуси хатар ҷорӣ шудааст
ДУШАНБЕ, 7 янв – Sputnik. Феълан дар саросари Қазоқистон хатари дараҷаи баланд ҷорӣ шудааст, хабар медиҳад Кумитаи амнияти миллии ин кишвар.
"6 январи соли 2022 дар шаҳри Нурсултон раиси Кумитаи амнияти миллӣ, генерал-майор Ермек Сагимбоев ҷаласаи Ситоди ҷумҳуриявии оперативӣ оид ба мубориза бо терроризмро (РОШ) баргузор кард",-омадааст дар хабарномаи ин ниҳод.
Тибқи изҳорот, раиси КДАМ, дар мувофиқа бо президент дастур додааст, дар саросари Қазоқистон дараҷаи шадиди хатари террористӣ ҷорӣ карда шавад.
Дар тамоми манотиқи кишвар низоми амалиёти зиддитеррористӣ ба кор шурӯъ кардааст.
Вобаста ба вазъияти ба амаломада сарони аввали мақомоти давлатӣ барои ба эътидол овардани вазъ дар кишвар ва рафъи хатари террористӣ саъй доранд - барои ин аллакай чораҳои зарурӣ андешида шудаанд.
Контрольно-пропускной пункт Ак-Жол на границе Киргизии и Казахстана. - Sputnik Тоҷикистон, 1920, 07.01.2022
Қазоқистон панҷ гузаргоҳи марзӣ бо Қирғизистонро баст
Бо ҷорӣ шудани дараҷаи сурхи хатари террористӣ, хадамоти махсус ҳақ доранд кофтукови шахсӣ, азназаргузаронии ашё ва воситаҳои нақлиёт, инчунин ҳаракати онҳоро маҳдуд ё манъ кунанд, қайд мекунад хабаргузории Tengrinews-и Қазоқистон.
Илова бар ин, ба кормандони истихборотӣ иҷозат дода мешавад, ки бидуни мамониат ба ҳама гуна биноҳо, аз ҷумла ба манзилҳои истиқоматӣ дастрасӣ пайдо кунанд.
Ҳамчунин, ба феҳристи тадбирҳои рафъ кардани таҳдиди терроризм назорати гуфтушунидҳо ва дигар иттилооте, ки тавассути каналҳои низоми алоқа интиқол дода мешаванд, дохил карда шудаанд.
Илова бар ин, сафарбаркунии пурра ва омодагии ҷангии тамоми ҳайати шахсии хадамоти махсус ва пурзӯр намудани чораҳои амниятӣ дар назар аст.
Генеральный секретарь Организации Договора о коллективной безопасности Станислав Зась - Sputnik Тоҷикистон, 1920, 07.01.2022
Интиқоди Зас аз гузоришҳои Ғарб дар бораи забти Қазоқистон: сафсата
Ёдовар мешавем, ки эътирозҳои оммавӣ дар Қазоқистон аз аввали соли 2022 идома доранд. Ба ин тазоҳурот ду баробар боло рафтани қимати гази моеъ сабаб шуд, ки хашми шаҳрвандони кишварро барангехт.
Комиссияи ташкилшудаи ҳукуматӣ омодагии худро барои паст кардани нархҳо эълон кард, аммо эътирозҳо ба шаҳрҳои дигар доман паҳн кард. Аз ҷумла, дар Алмаато рӯзҳои 4 ва 5 январ миёни сокинон ва маъмурони амниятӣ задухӯрди шадид рух дод.
Лентаи хабарҳо
0