Путину Тоқаев вазъи Қазоқистон ва иқдомоти СААД-ро баррасӣ карданд

© Sputnik / Григорий Сысоев / Гузариш ба медиабонкПрезидент РФ Владимир Путин и президент Казахстана Касым-Жомарт Токаев
Президент РФ Владимир Путин и президент Казахстана Касым-Жомарт Токаев - Sputnik Тоҷикистон, 1920, 08.01.2022
Обуна шудан
Раисҷумҳури Русия Владимир Путин бо ҳамтои қазоқаш Қосимҷомарт Тоқаев чанд гуфтугӯи телефонӣ анҷом дод
ДУШАНБЕ, 8 янв – Sputnik. Тибқи иттилои сомонаи Кремлин, раисҷумҳури Русия бо ҳамтои қазоқаш вазъи Қазоқистон ва иқдомоти СААД дар доираи салоҳияти ин созмонро баррасӣ кард.

"Онҳо вазъ дар ҷумҳурӣ, иқдомоти муштарак дар чаҳорчӯби салоҳияти СААД дар мубориза бо терроризми байналмилалӣ ва таъмини тартиботу амнияти шаҳрвандони Қазоқистонро баррасӣ карданд", - омадааст дар хабари Кремлин.

Илова бар ин Владимир Путин бо раҳбарони дигари кишварҳои СААД, руасои ҷумҳурҳои Қирғизистон, Беларус ва Тоҷикистон Содир Ҷабборов, Александр Лукашенко ва Эмомалӣ Раҳмон гуфтугӯ кардааст. Вай инчунин бо сарвазири Арманистон Никол Пашинян низ гуфтугӯи телефонӣ доштааст.
Бояд гуфт, дафтари матбуотии Кремл ҷузъиёти суҳбатҳои телефониро шарҳ надодааст.
Президент Таджикистана Эмомали Рахмон и премьер-министр Армении Никол Пашинян - Sputnik Тоҷикистон, 1920, 07.01.2022
Раҳмон ва Пашинян вазъи Қазоқистонро баррасӣ карданд
Ба гузориши шабакаи "Telegram"-и “Пул Первого”, як шабакаи наздик ба раисҷумҳури Беларус, раҳбарони кишварҳо ҷилавгирӣ аз вуруди гурӯҳҳои ҷинояткор ба ин кишварро яке аз вазифаҳои аслии нерӯҳои посдорони сулҳи СААД дар Қазоқистон унвон кардаанд.
Ин шабака гуфтаааст, ки Путин, Лукашенко ва Пашинян таъкид кардаанд, ки қазоқистониён бояд мушкилоти дохилии кишварашонро мустақилона ҳал кунанд.
Ёдовар мешавем, эътирозҳои оммавӣ дар Қазоқистон аз аввали соли 2022 идома доранд. Ду баробар боло рафтани қимати гази моеъ ба ин тазоҳурот сабаб шуд, ки хашми шаҳрвандони ин кишварро барангехт.
Комиссияи ташкилшудаи ҳукуматӣ омодагии худро барои паст кардани нарх эълон кард, аммо эътирозҳо ба шаҳрҳои дигар доман паҳн карданд. Аз ҷумла дар Алмаато рӯзҳои чаҳоруму панҷуми январ миёни сокинону маъмурони амниятӣ задухӯрди шадид рух дод.
Лентаи хабарҳо
0