Баъди нооромиҳо: Тоқаев таҳти муҳофизат аз замину ҳаво вориди Алмаато шуд

© Foto / Хадамоти матбуоти Вазорати корҳои хориҷии Федератсияи Русия / Гузариш ба медиабонкПрезидент Казахстана Касым-Жомарт Токаев
Президент Казахстана Касым-Жомарт Токаев  - Sputnik Тоҷикистон, 1920, 12.01.2022
Обуна шудан
Пас аз норомиҳои ахир президенти Қазоқистон ба пойтахти ҷанубии ин кишвар рафт
ДУШАНБЕ, 12 янв — Sputnik. Қосим-Ҷомарт Тоқаев, раисҷумҳури Қазоқистон вориди Алмаато шудааст, ки чанд рӯз қабл маркази асосии нооромиҳо дар ин кишвар буд.
Тибқи видеоҳои дар интернет паҳншуда, кортежи президент бо ҳимояи заминӣ ва ҳавоӣ ба шаҳр ворид шуд.
Дафтари матбуотии раисҷумҳури Қазоқистон низ таъйид кард, ки воқеан, президенти Қазоқистон ба пойтахти ҷанубии ин кишвар барои боздид аз шаҳри осебдида ва мулоқот бо хонаводаҳои пулису сарбозони кушташуда рафтааст.
"Тасдиқ мекунем, ки раисҷумҳур ба Алмаато омадааст. Ӯ дар ҷаласаи ситоди фаврӣ дар Алмаато ширкат дошт. Ҳамчунин бо хешовандон, наздикони афсарон ва пулисони кушташуда, низомиён вохӯрӣ баргузор шуда, президент ба эшон изҳори ҳамдардӣ карда, ҷоизаҳоеро ҳам тақдими онҳо кардааст", — омадааст мегӯяд сухангӯи раисҷумҳури Қазоқистон Берик Уали.
Ёдовар мешавем, эътирозҳои оммавӣ дар Қазоқистон рӯзҳои аввали соли 2022 оғоз шуданд. Сокинони шаҳрҳои Жанаозен ва Актау дар ғарби ин кишвар бинобар гарон шудани нархи гази моеъ мухолиат карда, ба кӯчаҳо рехтанд.
Баъдтар ин гуна эътирозҳо ба дигар шаҳрҳо, аз ҷумла Алмаато, пойтахти куҳна ва калонтарин шаҳри Қазоқистон паҳн шуданд. Дар муддати кӯтоҳе даҳҳо иншоот сӯзонда ва ғорат шуданд.
Миротворцы ОДКБ в Казахстане: как они справляются с поставленными задачами - Sputnik Тоҷикистон, 1920, 11.01.2022
Чӣ гуна нерӯҳои сулҳофари СААД ба Қазоқистон кумак мекунанд - видео
Тибқи маълумоти ғайрирасмӣ, бар асари ин ошӯбҳо дар Қазоқистон 164 нафар кушта шуд.
Раисҷумҳури Қазоқистон Қосим-Ҷомарт Тоқаев хисороти ноамниҳоро 2-3 миллиард доллар эълон кард.
Ҳукумати ин кишвар дар посух ба ҳамаи бетартибиҳо то 19 январ дар сартосари Қазоқистон вазъияти изтирорӣ эълон кард ва амалиёти зиддитеррористӣ оғоз намуд.
Ҳоло вазъият дар Қазоқистон муътадил аст ва аксари корхонаву муассисаҳо ба кор шуруъ кардаанд.
Лентаи хабарҳо
0