Русия барои ду тарҳ дар Тоҷикистон ҳудуди чаҳор миллион доллар ихтисос додааст

© посольство РФ в РТЗаседание Комитета проектов ООН (ПРООН) в Душанбе
Заседание Комитета проектов ООН (ПРООН) в Душанбе - Sputnik Тоҷикистон, 1920, 15.01.2022
Як қисм аз ин маблағ барои рафъи оқибатҳои иқтисодии пандемияи COVID-19 дар Тоҷикистон сарф мешавад
ДУШАНБЕ, 15 янв — Sputnik. Дар Душанбе ҷаласаи Кумитаи лоиҳаҳои Созмони Милали Муттаҳид (UNDP) дар иртибот ба таҳкими ҷомеа дар Тоҷикистон баргузор шуд.
Барои иҷрои ин тарҳҳои Барномаи рушди СММ Русия кумаки молӣ хоҳад кард, ки 3,85 миллион долларро ташкил медиҳад.
Дар ин бора Шамил Шамсутдинов, мушовир-фиристодаи сафорати Русия дар Тоҷикистон хабар дод.
Производство Атласи Худжанд в Худжанде, архивное фото - Sputnik Тоҷикистон, 1920, 11.10.2021
Русия ба рушди минтақаҳои озоди иқтисодӣ дар Тоҷикистон машғул хоҳад шуд
"Ду лоиҳаи бузург - "Таҳкими ҷомеа дар вилояти Хатлон ва водии Рашти Тоҷикистон" ва "Кӯмак ба рафъи оқибатҳои иқтисодии COVID-19 тавассути беҳбуди шароити зиндагӣ, имконоти шуғл ва ҳамкориҳои минтақаӣ дар водии Фарғона" дар чаҳорчӯби иттиҳоде, ки Русия ва Тоҷикистонро мепайвандад, амалӣ хоҳанд шуд”, - қайд кард ин дипломат.
Ба гуфтаи ӯ, саҳми Русия дар маблағгузории ин барномаҳо 3,85 миллион долларро ташкил медиҳад.
Ӯ изҳор дошт, ки дар доираи ин лоиҳаҳо аллакай 120 нафар бо ҷойи кор таъмин гардида, иқтидори 175 хоҷагӣ мустаҳкам шуда, нақшаҳои рушди ноҳияҳои Сангвор, Темурмалик, Восеъ ва Ховалинг барои солҳои 2021-2025 таҳия шудаанд.

"Федератсияи Русия на танҳо дастгирии молӣ, балки равишҳои пешрафтаи коршиносиро барои рушди минтақавӣ-иқтисодӣ ва инноватсия низ таъмин мекунад", - таъкид кард Шамсутдинов.

Дар ҷаласа муовини вазири рушди иқтисод ва савдои Тоҷикистон Абдураҳмон Абдураҳмонзода, муовини намояндаи доимии Барномаи рушди СММ дар Тоҷикистон Кристофорос Полис, кормандони бахшҳои дахлдор иштирок доштанд.
Зимнан зикр гардид, лоиҳае, ки моҳи январи соли 2021 дар ҷиҳати рафъи оқибатҳои коронавирус оғоз гардид, ба беҳбуди шароити зиндагӣ ва пешбурди тиҷорати фаромарзӣ дар водии Фарғонаи Тоҷикистон марбут аст, ки он то июни соли 2023 давом хоҳад кард.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала