Воридоти электромобил, электробус ва троллейбусҳо аз боҷи гумрукӣ озод мешавад

© Sputnik / Александр Гальперин / Гузаштан ба хазинаи аксРоссийский низкопольный троллейбус ЗАО "ТролЗа"
Российский низкопольный троллейбус ЗАО ТролЗа - Sputnik Тоҷикистон, 1920, 17.01.2022
Обуна шудан
Yandex newsTelegram
Мақомоти Тоҷикистон тасмим дорад, воридоти воситаҳои нақлиёти барқӣ ба Тоҷикистонро аз боҷи гумрукӣ озод намояд
ДУШАНБЕ, 17 янв — Sputnik. Мақомоти Тоҷикистон эълон кардаанд, ки айни ҳол масъалаи воридоти воситаҳои нақлиёти барқӣ, аз ҷумла электромобил, электробус ва троллейбусҳоро баррасӣ ва онро комилан аз боҷи гумрукӣ озод хоҳанд кард, иттилоъ додааст Рафиқа Мусоева, раиси Ассотсиатсияи энергетикҳои Тоҷикистон дар мусоҳиба бо рӯзномаи “Ҷумҳурият”.
“Айни замон мо дар таҳияи нақшаи рушди “туризми сабз” дар асоси истифодаи энергияи барқароршаванда фаъолона иштирок дорем. Дар иртибот ба ин мо ба мамлакат ворид намудани нақлиётҳои барқӣ, аз ҷумла электромобилҳо, электробусҳо ва троллейбусҳоро, ки воридоташон пурра аз андоз ва боҷҳои гумрукӣ озод мегарданд, бо хушнудӣ пазируфтем”, -гуфт раиси Ассотсиатсияи энергетикҳои Тоҷикистон.
Президент Республики Таджикистан Эмомали Рахмон - Sputnik Тоҷикистон, 1920, 26.01.2021
Паём: президент ба мардуми Тоҷикистон раҳмат гуфт - чаро?
Гуфта шудааст, истифодаи онҳо ба коҳиши партовҳои газҳои гулхонаӣ дар Тоҷикистон, ки ҳиссаи асосии он имрӯз ба нақлиёти автомобилӣ вобаста аст, инчунин ба таҳияи технологияи нави хидматрасонии мошинҳои барқӣ, таъсиси ҷойҳои кор, коҳиши вобастагии кишвар аз боздоштани воридоти сӯзишворӣ барои воситаҳои нақлиёт рост меояд, мусоидат менамоянд.
Ёдовар мешавем, Эмомалӣ Раҳмон, раисҷумҳури Тоҷикистон дар паёмаш ба Маҷлиси Олӣ дар бораи истифодаи дигар энергияҳои барқароршаванда изҳори назар карда буд.
Лентаи хабарҳо
0