"Нафақахӯрам ва ихтилофе бо Тоқаев надорам": видеои муроҷиати Назарбоев

Обуна шудан
Yandex newsTelegram
Президенти собиқи Қазоқистон бо нашри як паёми видеоӣ ба мардумаш аз худ дарак дод. Ин аввалин изҳороти ӯ пас аз ошӯбҳои январӣ дар ин кишвар аст
Нурсултон Назарбоев ҳаводиси январиро талоши барҳам задани якпорчагии кишвар ва пояҳои давлати Қазоқистон унвон кард.
Ӯ гуфт, рӯйдодҳо бори дигар нишон медиҳанд, ки истиқлолро ҳамчун гавҳараки чашм, мисли зарфи нозук, ки муносибати махсусан эҳтиёткоронаро талаб мекунад, қадр кардан лозим аст.
Мавсуф ҳамзамон гуфтааст, ки соли 2019 ваколатҳои президентиро ба Қосим-Ҷомарт Тоқаев супурд ва аз он вақт нафақахӯр буда, ҳоло дар дар пойтахти Қазокистон асту ба ҳеҷ ҷое куҷо нарафтааст.
Муроҷиати Назарбоев дар бораи ҳаводиси январӣ, макони будубошу бархӯрб бо Тоқаев- видео
Ӯ ба назарҳое дар атрофи ихтилофҳои миёни элитаҳои сиёсии Қазоқистон, ки баъзе аз расонаҳо ва кошиносон гуфтанд, ҳаводиси январӣ барои ба дастории қудрат аз сӯйи атрофиёни президенти собиқ сурат гирифтаанд, низ посух додааст.
Нурсултон Назарбоев зимни суханронияш гуфт, Қосим-Ҷомарт Тоқаев раиси Ҳизби "Нур-Отан" интихоб мешавад, дар сафҳои элитаи сиёсӣ ҳеҷ гуна ихтилоф вуҷуд надорад.
Назарбоев ва хонаводаи ӯ аз кадом имтиёзҳо бархӯрдоранд?
"Президент Қосим-Ҷомарт Тоқаев салоҳияти комил дорад. Ӯ раиси Шӯрои амният аст. Ба қарибӣ президент раиси Ҳизби "Нур-Отан" интихоб мешавад. Дар элита низоъ ё зиддият вуҷуд надорад. Овозаҳо дар ин мавзуъ комилан асос надоранд", - гуфт раисиҷумҳури пешини Қазоқистон.
Вай тавзеҳ дод, ки дар соли 2019 ваколатҳои президентиро ба Тоқаев вогузор кардааст ва аз он замон нафақахӯр аст.
Лентаи хабарҳо
0