Врачи - Sputnik Тоҷикистон, 1920, 07.07.2021
Коронавирус дар Русия ва ҷаҳон: охирин хабару гузоришҳо
Созмони ҷаҳонии беҳдошт моҳи марти соли 2020 пандемияи коронавирус эълон кард

Ба беморхона наравед: Мясников гуфт, зимни гирифторӣ ба омикрон бояд чӣ кор кард

© Sputnik / Владимир ПесняГлавный врач городской клинической больницы №71 имени М. Е. Жадкевича Александр Мясников
Главный врач городской клинической больницы №71 имени М. Е. Жадкевича Александр Мясников - Sputnik Тоҷикистон, 1920, 20.01.2022
Обуна шудан
Ба далели афзоиши теъдоди гирифторони коронавирус дар Маскав шумо метавонед бидуни сабти пешакӣ ба беморхона муроҷат кунед, аммо пизишк чунин иқдомро дуруст намешуморад
ДУШАНБЕ, 20 янв — Sputnik. Бо нишонаҳои зуком ва ҳарорати то 38 дараҷаи бадан беҳтар аст, хонанишинӣ кунед ва ба муассисаи тиббӣ муроҷиат нанамоед.
Дар ин бора духтур ва барандаи телевизион Александр Мясников дар "Telegram"-и худ хабар додааст.
Пизишк даъват кард, бо зукоми сабук, ба таври "ҳамешагӣ дар хона мубориза баранд". Ӯ хотиррасон кард, ки он одатан 3-4 рӯз давом мекунад.
Мясников нақл кард, ки ба ӯ дар бораи афзоиши шумори гирифторони коронавирус дар Маскав бинобар паҳн шудани штамми нав - омикрон паёмак омадааст.
Дар баробари ин дар муроҷиатнома қайд карда мешавад, ки ба муассисаи тиббӣ бе сабти пешакӣ муроҷиат кардан мумкин аст. Духтур гуфт, ки чунин издиҳоми номувофиқ метавонад кори кормандони тиббиро мушкил гардонад.

"Ман мефаҳмам, ки мо ҳама шуморо тарсондем ва ҳоло ки бемор шудед, боварӣ ҳосил кардан мехоҳед, ки ҳамааш хуб мешавад, биёед, оқил бошем", - гуфт духтур.

Мясников итминон дорад, ки дер ё зуд бо сабаби шиддати нав ҳама ба COVID-19 гирифтор мешаванд.
Вай ёдовар шуд, ки ин штамм хеле сирояткунанда аст. Аломатҳои нигаронкунандаи ин намуди коронавирус диққи нафас дар ҳолати оромӣ ва ҳарорати бадани аз 38 дараҷа боло мебошад.
Градусник - Sputnik Тоҷикистон, 1920, 19.01.2022
Коронавирус дар Русия ва ҷаҳон: охирин хабару гузоришҳо
Аз нахустин рӯзи гирифорӣ ба омикрон чӣ бояд кард ва кадом доруҳоро хӯрд
Ёдовар мешавем, ки штамми нави COVID-19 бори аввал дар Африқои Ҷанубӣ ва Ботсвана пайдо шуд. Он аз дигар навъҳо бо афзоиши шумораи мутатсияҳо ва паҳншавии босуръат фарқ мекунад.
То 20 январ дар як шабонарӯз дар Маскав 11557 ҳолати нави мубталоӣ ба коронавирус ошкор шудааст.
Қаблан мақомоти Маскав ба далели афзоиши шумори гирифторӣ маҳдудиятҳои нав ҷорӣ карда буданд.
Сироятшинос аз таҳдиди омирон ба кудакони то панҷсола ҳушдор доданд
Хамин тавр, дар муассисаҳои тиббӣ шумораи духтурони навбатдор зиёд карда шуд. Зимнан зикр гардид, ки дар сурати ошкор шудани нишонаҳои зуком, шаҳрвандон метавонанд бидуни номнависии пешакӣ ба дармонгоҳ муроҷиат кунанд.
Ҳамчунин дар пойтахт барои афроди аз 60-сола боло ва шаҳрвандони гирифтори бемориҳои музмин то 1 апрели соли 2022 реҷаи хонашинӣ тамдид карда шуд.
Лентаи хабарҳо
0