Боз терминал ҳадафи дуздӣ қарор гирифт: боздошти муттаҳами 20-сола

© Sputnik / Юрий Лашов / Гузариш ба медиабонкПополнение счета через банковский терминал, архивное фото
Пополнение счета через банковский терминал, архивное фото - Sputnik Тоҷикистон, 1920, 24.01.2022
Обуна шудан
Вазорати умури дохилии Тоҷикистон аз боздошти муттаҳами 20-сола барои қасди дуздии терминали пардохтӣ хабар додаст
ДУШАНБЕ, 24 янв — Sputnik. Гумонбар бо қасди дуздии пул аз терминал онро шикастааст, аммо ба мақсадаш нарасидааст.
Вазорати умури дохилии Тоҷикистон мегӯяд, ба идораи милиса дар шаҳри Левакант ҷавони 23-сола муроҷиат карда, арз доштааст, ки шахсони номаълум бо мақсади ба даст овардани маблағҳои пардохтшуда, сенсори терминали пардохтиро шикаста, маблағи пулиро дуздида натавониста, фикрор кардаанд. Манбаъ зарари расонидашударо 8 ҳазору 438 сомонӣ арзёбӣ намуд.
Ҳодисаи ҷиноят шаби 6 ба 7-уми январи соли равон сурат гирифтааст, аммо мақомоти умури дохилӣ баъди беш аз ду ҳафта аз боздошти гумонбар иттилоъ доданд.
Генерал-майор милиции Шариф Назарзода - Sputnik Тоҷикистон, 1920, 06.01.2022
Дуздӣ, роҳзанӣ, авбошӣ, қаллобӣ кам шуд: гузориши милисаи Душанбе аз кораш дар соли 2021
Таъкид шудаст, ки муттаҳам ҷавони 20-солаи сокини ноҳияи Кӯшониён мебошад. Феълан аз рӯи ин ҳодиса таҳқиқот идома дорад.
Ин бори аввал нест, ки терминалҳои пардохтӣ дар Тоҷикистон ҳадафи дуздон қарор мегиранд.
Ахиран мақомоти умури дохилӣ аз боздошти як сокини 37-солаи шаҳри Душанбе хабар доданд, ки дар ғорати терминали пулгузаронӣ ширкати "Пайванд гурӯҳ" дар нуқтаҳои гуногуни пойтахт айбдор мешавад.
Мақомот зарари расонидашударо беш аз 240 ҳазор сомонӣ арзёбӣ намуданд.
Лентаи хабарҳо
0