Мулоқоти президентҳо: Раҳмон аз савдо, сармоя, амният ва Афғонистон гуфт

© RussiaTodayПрезидент Таджикистана Эмомали Рахмон
Президент Таджикистана Эмомали Рахмон - Sputnik Тоҷикистон, 1920, 25.01.2022
Обуна шудан
Yandex newsTelegram
Раисҷумҳури Тоҷикистон дар ҳамоиши сарони кишварҳои Осиёи Марказӣ ва Чин аз амнияту тиҷорату масоили Афғонистон гуфт
ДУШАНБЕ, 25 янв — Sputnik. Эмомалӣ Раҳмон, раисҷумҳури Тоҷикистон самари се даҳсолаи ҳамкорӣ бо Чинро баланд арзёбӣ карда, зикр намудааст, ки робитаҳои ду кишвар то сатҳи шарикии стратегӣ расидаанд.
Ӯ ин нуктаро зимни нишасти сарони кишварҳои Осиёи Марказӣ - Чин, ки бахшида ба 30-солагии барқарор намудани муносибатҳои дипломатӣ баргузор шуд, таъкид намуд.
Ба иттилои дафтари матбуотии президенти Тоҷикистон, Раҳмон дар ин ҳамоиш роҳандозии муколамаи доимии сиёсӣ дар рӯҳияи эътимод, нишондиҳандаҳои баланди ҳамкориҳои иқтисодиву тиҷоратӣ, сармоягузорӣ, татбиқи тарҳҳои бузурги инфрасохториро аз дастовардҳои дигар хондааст.
Раҳмон ҳамчунин густариши муносиботро дар қолаби Осиёи Марказӣ - Чин, аз ҷумла андешидани тадбирҳо барои тавсеаи савдои байниҳамдигарӣ, ҷалби фаъоли сармоя барои татбиқи тарҳҳои судманди иқтисодии минтақаиро ба манфиати ҷонибҳо гуфтааст.
Президент Таджикистана Эмомали Рахмон (справа) и председатель КНР Си Цзиньпин  - Sputnik Тоҷикистон, 1920, 23.01.2022
Даъвати Ҷинпин аз Эмомалӣ Раҳмон барои боздид аз Чин
Раисҷумҳури Тоҷикистон ба зарурати тавсеаи ҳамкориҳо дар соҳаи амниятӣ бо дарназардошти вазъи мураккаби ҷаҳонӣ ва минтақаӣ, ҳамзамон мавҷудияти таҳдиду хатарҳои муштарак таъкид кардаст.
"Дар ин зимн муқовимат дар баробари терроризм, тундгароӣ ва ҷудоихоҳӣ ва ҳамзамон ҷинояткории муташаккили трансмиллӣ, гардиши ғайриқонунии маводи мухаддир аз вазифаҳои аввалиндараҷа номбар шуданд", - омадааст дар иттилоия.
Эмомалӣ Раҳмон инчунин ба манфиатдор будани Тоҷикистон дар истиқрори сулҳу субот дар Афғонистон бори дигар таъкид карда, аз даъвати Созмони Милали Муттаҳид барои расонидани кумакҳои башарӣ ба мардуми кишвар ҷонибдорӣ намудааст.
Дар охир сарони давлатҳо изҳороти муштаракро тасдиқ карда, ба вазирони корҳои хориҷӣ барои татбиқи минбаъдаи пешниҳоду ташаббусҳои дар чаҳорчӯби саммит баррасишуда супоришҳо додаанд.
Лентаи хабарҳо
0