Роҳи мошингарди Рӯшон - Бартанг баста шуд: шарҳи КҲФ

Камнепад в Таджикистане - Sputnik Тоҷикистон, 1920, 26.01.2022
Обуна шудан
Yandex newsTelegram
Дар Тоҷикистон хатари тармафароӣ ва резиши санг дар роҳҳои куҳӣ боқӣ мемонад
ДУШАНБЕ, 26 янв — Sputnik. Роҳи мошингарди Рӯшон - Бартанг бар асари сангрезӣ муваққатан баста шудааст, хабар медиҳад дафтари матбуотии Кумитаи ҳолатҳои фавқулоддаи Тоҷикистон.
Ба иттилои манбаъ, 25 январ, соати 16:30 ба вақти маҳаллӣ дар деҳаи Савноби ҷамоати деҳоти Савноби ноҳияи Рӯшони ВМКБ сангрезӣ ба қайд гирифта шуд.

"Дар ҳоли ҳозир роҳи мошингарди Рӯшон - Бартанг муваққатан баста шудааст. Бо талоши кормандон ва техникаи махсуси Вазорати нақлиёт корҳои бартарафсозии оқибатҳои офати табиӣ идома дорад", - афзуд манбаъ.

Кумита мегӯяд, боришоти шадид дар манотиқи кӯҳистонии кишварамон ва гарм шудани рӯзҳои ахир хатари фаромадани тарма ва сангрезиро бештар кардааст.
Вазъияти ногувор дар шоҳроҳҳои Душанбе - Рашт - Лахш, Душанбе - Варзоб - Хуҷанд, Кӯлоб - Дарвоз - Ванҷ - Хоруғ - Ишкошим, Хоруғ - Мурғоб боқӣ мемонад.
Сосульки, архивное фото - Sputnik Тоҷикистон, 1920, 24.01.2022
Ҳушдори КҲФ аз яхбандиҳо ва тавсия ба мардум
Дар робита ба ин Кумитаи ҳолатҳои фавқулодда аз шаҳрвандон дархост кардааст, ки чораҳои амнияти шахсиро риоя кунанд, аз чаронидани чорво дар чарогоҳҳои кӯҳӣ ва доманакӯҳҳо, сайругашт дар кӯҳҳо, ҷамъоварии ҳезум, ба шикор ва моҳидорӣ рафтан худдорӣ намоянд.
КҲФ шаҳрвандонро хотиррасон мекунад, ки аз сафар ба маҳалҳои тармафаро худдорӣ намуда, ҳушёру эҳтиёткор бошанд ва ронандагон меъёри суръату фосилаи байни мошинҳоро риоя кунанд.
Лентаи хабарҳо
0