Музокирот дар марз: Раҳмонализода аз пешгирии низоъ гуфту Тошиев аз одоби ҳамсоядорӣ

© Исполнительный орган государственной власти Согдийской области Переговоры на границе Таджикистана и Киргизстана
Переговоры на границе Таджикистана и Киргизстана  - Sputnik Тоҷикистон, 1920, 28.01.2022
Обуна шудан
Yandex newsTelegram
Пас аз дидори шабона ҷонибҳои Тоҷикистон ва Қирғизистон сари мизи музокирот нишастаанд
ДУШАНБЕ, 28 янв – Sputnik. Мулоқоти гурӯҳи кории Ҷумҳурии Тоҷикистон ва Ҷумҳурии Қирғизистон дар ҳоли баргузорист, хабар медиҳад хадамоти матбуотии раиси вилояти Суғд.
Ба иттилои манбаъ, мулоқоти ҳайатҳо ҳамин ҳоло дар шаҳри Исфара идома дорад.
Ҷониби Тоҷикистонро сардори нерӯҳои марзбонии кишвар Раҷабалӣ Раҳмонзода ва ҷониби Қирғизистонро Қамчибек Тошиев, роҳбари Кумитаи амнияти он кишвар роҳбарӣ мекунанд, афзуд манбаъ.
Дар музокирот Қамчибек Тошиев изҳор доштааст, ки низоъ бо роҳи мусолиҳатомез ҳал мешавад.
"Пос доштани одоби ҳамсоядорӣ муҳим аст ва бояд мардуми наздимарзӣ дар фазои орому осуда зиндагӣ кунанд", - гуфтааст Тошиев.
Раҷабалӣ Раҳмонзода, сардори хадамоти марзбонии Тоҷикистон изҳор доштааст, ки Тоҷикистон ҳамеша хостори сулҳу субот ва таъмини амният дар хатти марз аст.
"Мардуми наздисарҳадӣ бояд дар фазои дӯстӣ ва якдигарфаҳмӣ зиндагӣ кунанд. Минбаъд пеши роҳи чунин низоъҳо гирифта шавад",- таъкид кардааст Раҷабалӣ Раҳмонзода.
Дар мулоқот ҳамзамон раисони вилоятҳои Суғду Ботканд ва дигар мақомоти расмӣ ҳузур доранд.
Ёдовар мешавем, рӯзи 27-уми январ дар марзи Тоҷикистону Қирғизистон ҳодисаи дигар рух дод, ки боиси даргирии низомиён шуд.
Тибқи иттилои расмии Кумитаи давлатии амнияти миллии Тоҷикистон, он тақрибан соати 17:20 ба вақти маҳаллӣ оғоз шудааст.
Военные во время операции - Sputnik Тоҷикистон, 1920, 28.01.2022
Вазъ дар марзи Тоҷикистону Қирғизистон
КДАМ Тоҷикистон: Вазъ дар марз ором аст, сабабҳои муноқиша таҳқиқ мешавад
Як гурӯҳи шаҳрвандони ношинос аз қаламрави Қирғизистон дар ҳудуди 50 нафар аз сокинони деҳаи Оқсойи вилояти Бодканд мошини як шаҳрванди Тоҷикистонро дар болои пули назди рустои Хоҷаи Аъло иҷборан боздоштанд.
Мошин ба деҳаи Сомониёни ноҳияи Исфара рег мекашонд. Ҳамааш аз партоби санг оғоз шуда, баъдан муноқиша ба тирпарронӣ табдил ёфт.
Дар ҳамин ҳол Кумитаи давлатии амнияти миллии Қирғизистон баста шудани қисмате аз шоҳроҳи Бодканд - Исфанаро сабаби муноқиша донистааст.
Дар Бишкек иддао доранд, ки оташро ҷониби Тоҷикистон боз кардааст.
Душанбе низ дар навбати худ Қирғизистонро ба истифода аз хумпораандоз, аз ҷумла зидди аҳолии осоишта муттаҳам кард.
Машина скорой помощи после перестрелки на таджикско-кыргызской границе - Sputnik Тоҷикистон, 1920, 28.01.2022
Вазъ дар марзи Тоҷикистону Қирғизистон
Ронандаи мошини ёрии таъҷилӣ, 58-сола: боз як қурбонии муноқишаи марзӣ дар Исфара: акс
Тоҷикистон ҳамчунин гуфт, ҳавопаймоҳои бесарнишини Қирғизистон ҳарими ҳавоии Тоҷикистонро вайрон кардаанд.
Дар пайи муноқиша шабона ҷонибҳо сари мизи музокира нишаста, эълони оташбас карданд.
Ба иттилои расмӣ, дар ин муноқиша аз ҷониби Тоҷикистон 10 нафар захмӣ гардид, ки аз онҳо 6 нафар низомӣ ва 4 нафар сокини мулкӣ гуфта мешавад. Ҳамчунин ду нафари дигар фавтидааст.
Лентаи хабарҳо
0