Маорифу тандурустӣ дар Суғд аз нақша камтар пул гирифтанд

© Sputnik / Стас ЭтвешЭкономический рост , архивное фото
Экономический рост , архивное фото - Sputnik Тоҷикистон, 1920, 31.01.2022
Обуна шудан
Маблағгузории соҳаҳои иҷтимоӣ дар вилояти Суғд аз буҷаи маҳаллӣ нисбати нақша камтар иҷро шуд
ДУШАНБЕ, 31 янв — Sputnik. Мақомоти Суғд мегӯянд, барои соҳаҳои иҷтимоӣ - маориф, нигоҳдории тандурустӣ, ҳифзи иҷтимоӣ ва фарҳангу варзиш дар соли гузашта 1 млрд 879,3 млн. сомонӣ аз буҷаи маҳаллӣ сарф шуд.
Ба иттилои дафтари матбуотии ҳукумати Суғд, хароҷоти бахши иҷтимоӣ баробари 79%-и хароҷоти буҷаҳои маҳаллӣ буда, нисбат ба соли қаблӣ 370,4 млн сомонӣ афзуд. Аммо дар қиёс бо нақша маблағгузориҳо камтар сурат гирифтаанд.
Рейд УФМС по выявлению нелегальных мигрантов - Sputnik Тоҷикистон, 1920, 31.01.2022
Танқисии омӯзгорон дар Хатлон: ду ҳазор муаллим ба муҳоҷират рафт
Мақомоти Суғд иттилоъ доданд, ки ба соҳаи маориф 1 млрду 97,5 млн сомонӣ равона гардид, ки 98,7%-и нақшаро ташкил дод. Маблағгузории маориф аз нақша 14,1 млн сомонӣ камтар мебошад, аммо дар муқоиса бо соли пешӣ 216,7 млн сомонӣ ё 24,6% зиёдтар мебошад. Ҳиссаи маориф дар хароҷоти умумии буҷети вилоят 46,1% арзёбӣ гардид.
Дар мавриди тандурустӣ ҳукумати Суғд иттилоъ дод, ки соли 2021 ба ин соҳа аз буҷаи маҳаллӣ 543,3 млн сомонӣ равона гардид ва он 97,8%-и нақшаро ташкил медиҳад.
Таъкид шудааст, ки ин маблағ дар муоқиса бо нақша 12,0 млн сомонӣ кам, вале нисбат ба соли 2020-ум 51,8 млн сомонӣ зиёд мебошад. Ҳиссаи тандурустии вилоят дар хароҷоти амалии буҷетҳои маҳаллӣ 22,8% арзёбӣ гардид.
Лентаи хабарҳо
0