Тоҷик барои нахустин бор дар риштаи муҳорибаи омехта қаҳрамони ҷаҳон шуд

© Страница IMMAF в FacebookТаджикский боец Асадбек Маннонов стал чемпионом мира на соревнованиях по смешанным единоборствам
Таджикский боец Асадбек Маннонов стал чемпионом мира на соревнованиях по смешанным единоборствам - Sputnik Тоҷикистон, 1920, 31.01.2022
Обуна шудан
Yandex newsTelegram
Дастаи мунтахаби Тоҷикистон як медали тило, се нуқра ва ба ҳамин миқдор медали биринҷӣ ба даст овард
ДУШАНБЕ, 31 янв — Sputnik. Размикори шинохтаи тоҷик Асадбек Маннонов дар риштаи муҳорибаи омехта (ММА) байни калонсолон ва наврасон дар вазни то 120+ кг қаҳрамони ҷаҳон шуд.
Маннонов дар даври ниманиҳоӣ бар Дмитрий Бабаеви рус ва дар набарди ниҳоӣ бар Микита Тсибуляи украинӣ пирӯз шуд.
Ба гуфтаи доварон, варзишгар яке аз набардҳои ҷолибтаринро ба намоиш гузошта, аввалин қаҳрамони ҷаҳонии Федератсияи байналмилалии муҳорибаҳои омехта (IMMAF) аз Тоҷикистон гардид.
Маннонов қайд кард, ки барои ӯ ин комёбии олӣ мебошад. Ба гуфтаи ӯ, дигар тоҷикон, ки дар ин мусобиқа ширкат доштанд, низ натиҷаҳои хуб касб карданд.
"Ин ғалаба барои кишвари ман, оилаи ман ва барои ман аст", - таъкид кард варзишгар.
Нуқраҳо насиби Беҳрӯз Хуршедзода (70 кг), Қосим Сардоров (77 кг) ва Ҷовидон Маҳмудов (77 кг) гардиданд.
Медалҳои биринҷиро Ёқубҷон Сафаров, Муҳаммад Салоҳиддинов ва Бахтиёр Ҳусайнов гирифтанд. Ин варзишгарон кишварро дар вазни 52 кило намояндагӣ мекарданд.
Қобили зикр аст, ки ин аввалин баромади размикорони Тоҷикистон дар Қаҳрамонии ММА-и ҷаҳон мебошад, ки дар таърихи 10-солаи IMMAF калонтарин чорабинӣ аст.
Мусобиқа дар варзишгоҳи Ҷиу-Ҷитсуи шаҳри Абузабӣ баргузор шуд. Дар мусобиқа 500 нафар варзишгар аз 60 кишвари ҷаҳон маҳорати худро нишон доданд.
Лентаи хабарҳо
0